حارس العقار وعائلته ... مهمين جدا بالنسبة لأى بيت ..... ولكن عند اختيارك لهذة الاسرة الكريمة لابد ان تضعي معايير في الاختيار ... لان حارس العقار شئ اساسي في حياة اي اسره مصريه صميمة ...
لو عندك عم " فلان " لازم يكون متساهل... متسامح ...اللي في جيبه مش ليه .... يتقبل كل الطلبات الغريبة... لأنه يتعامل مع عقول مختلفة ... بالبلدي كدا "واحد من البيت" حتى لو بحكم العشم اصبح طماع وعينه دائما في اللي في بيتك .... حاسس على طول ان حاجتكم هي حاجته .... ولكن طلباته أوامر ولازم تنفذ .... ولكن بمماطلة ... مش اول ما يطلب ياخد ....
عادي ان يستلف العربية .... اوعي تستغربي ... مش انتم اللي علمتوه السواقة علشان يقضي مشواركم ....
عادي ان يأخذ من الحاجات اللي جايلكم امدادات ... مش شايل وتعبان .... ومتأكد ان عندكم كثير ... بالرغم من انه هو بيجيب التموين وانتم بتتنشأوا على الحاجات اللي جيالكم..... الغريب انه عارف ومتأكد اني ماكنش عندك سكر ... وهو عنده
عم فلان وجودة في البيت شيء أساسي ... بالرغم من ان اغلب الناس يشتكوا انهم يتعاملوا على انهم بهوات ... الطلعة بفلوس ... الداخلة بفلوس... ولو مسكتوا ايديكم حبة في الانفاق ... يتعبوا فجأة ... والبيت يتهجر .... ولكن بردوا للصبر حدود ...
عم "فلان" عند بعض العائلات ... ه يعتبر الراجل الثاني ... وساعات الأول ... لان الوصول اليه اسرع من الوصول لراجل البيت .... مشكلة سباكة .... نجارة او كهربا سريعه ..... هو موجود .... مشواير خفافي ... هو موجود ... وما يمنعش مشواير ثقيله بردو .... لانك لو طلبتي من جوزك يعملها .... يا أما هايعملها بعد سنين .... او مش هايعملها خالص ... ويطنش!!!!!!!
حرم حارس العقار تعد من اساسيات العمارة زيها زي كوباية "الشاي واللبن " الصباحية ...هي بتعرف تعمل كل حاجة من وجهة نظرها ... واه لو استعنتي بشخص خر مكانها تبقى كارثة ... متسمعكيش لو نادتي عليها ... تقفل موابيلها ... ولما تعطري فيها ...بكل وقار وثبات تقول "مش انتي كان عندك "فلانه " كأن محذور الاستعانة الا بمرات البواب ....
حرم حارس العقار في اغلب الاوقات "رويتر البيت" ... كل اخبارك من مشتريات او زوار وخناقات ... عند الجيران ... والعكس طبعا .... ام فلان عملت طبيخ ... ام علان اتخنقت مع الاساذ فلان وصوتهم كان جايب اخر الشارع ...
بالرغم من كل المشاكسات والمعاكسات ... ولكن تعرف قيمة حارس العقار ومراته لو سافرت بره ... لانهم معندهمش ثقافة حارس العقار او مراته ... كل حاجة تعملها بنفسك ... اكياس المشتريات انت اللي بتشيلها .. امبوبة الغاز ... اكياس القمامه انتي اللي بتتعاملي ... تنظيف صناديق القمامه ... انت اللي مسئول !!!!
واخيرا حارس العقار ومرات حارس العقار دول عمله نادره ... الرجاء الحفاظ عليها وعليك ان تمسك اعصابك
اولاد ولا حارس العقار ... امك ولا رحاب !!!!!! حارس العقار ومراته
حرم حارس العقار في اغلب الاوقات "رويتر البيت" ... كل اخبارك من مشتريات او زوار وخناقات ... عند الجيران ... والعكس طبعا .... ام فلان عملت طبيخ ... ام علان اتخنقت مع الاساذ فلان وصوتهم كان جايب اخر الشارع ...
بالرغم من كل المشاكسات والمعاكسات ... ولكن تعرف قيمة حارس العقار ومراته لو سافرت بره ... لانهم معندهمش ثقافة حارس العقار او مراته ... كل حاجة تعملها بنفسك ... اكياس المشتريات انت اللي بتشيلها .. امبوبة الغاز ... اكياس القمامه انتي اللي بتتعاملي ... تنظيف صناديق القمامه ... انت اللي مسئول !!!!
واخيرا حارس العقار ومرات حارس العقار دول عمله نادره ... الرجاء الحفاظ عليها وعليك ان تمسك اعصابك
اولاد ولا حارس العقار ... امك ولا رحاب !!!!!! حارس العقار ومراته
