ايه يعني لما تعيشها ببساطة ... ايه يعني لما ما تحسبهاش وتعيشها كدا بطولها وعرضها ...
اضحك وهزر .. عيط وصوط... اتخانق وجعر .. ادلع واتمخطر ...
ساعات بتمر فتره عليك ... تبقى مش عاوزه تخطط.. مش عاوز تقابل حد ... عاوز تسيب وشك شبه الشراب المقلوب ... مش لازم ترسم الضحكة الحلوه على طول وانت من جوة مكرمش ومتهربد
اكيد عاوز تصحى الصبح على كلمه حلوه من غير ضغوط او مشاكل ... او تدخل تنام الظهر عادي من غير ما تتقلب على السرير يمين وشمال ونفوخك يشت من كثرة التفكيير ... او تنام بالليل علشان انت عاوز تنام مش قهر وجبر وهروب
عادي انك تفكر تسافر ... اللي مش عادي انك لما تقرر تسافر تحسب لها مليون مره ..ولما ترجع يتنكد عليك من تفكيرك انك فقط فكرت تسافر ...
محتاج تشعر انك مش لوحدك ... عانك مؤمن .. مش عايشه على كف عافريت
محتاج انك ما تخفش تغلط .....محتاج انك تقلب وشك وتوريهم بوزك لما يتمد عادي .. مجتاج تقلب بوزك وتلاقي اللي يصالحك عادي ... "نفسي تصالحيني يا إبراهيم"
عاوز أعيش ببساطه دن غير كلكيع ...
مش فارق قد ايه مصايب هاقبلها ... فارق قد ايه بوز ونكد هاتعامل معاة
مش فارق بنكافح قد ايه ... وفارق بتنكد قد ايه
انا عاوزه ورد يا إبراهيم
