ابعد عن الوعود القاطعه

 اعتدنا في حياتنا على اننا بكل بساطه نقول انا بوعدك 

من كثره اعتيادنا عليها ..اصبحت سهله وفقدت معناها 

في الافراح نقول بوعدك اني معاكي او معاك في اشد الظروف …. معاك طول العمر 

في الحياه  بنوعد بعضنا  بحاجات كثير 

في حياتنا العمليه بنوعد باللي فوق طاقتنا او حتى قدرتنا … يمكن بحسن نيه ….ولا يمكن علشان نبهر اللي قصدنا 

ولكن عندما توعد لابد ان تكون متاكد بنسبه كبيره بالرغم من انه استحاله ….وان ما يبعدك عن تنفيذ الوعد هو سبب  ليس لك دخل به …. الوعود تعطي امل وخزلااانك للوعد يكسر القلب 

الوعد يعلي جدا التوقعات … لانك بتكون شغوف جدا لانتظار تنفيذ الوعد والاستمتاع بحلاوة  نتائجه

الوعد بيلعب بالمشاعر ….علشان كدا عدم تنفيذه يهدم …يوجع

لازم كمان تعرف ان مش كل ما تتوعد بيه…تحط امل عليه 

حبايبنا بيفارقوا 

ظروفنا ممكن تتغير 

مشاعرنا واحتياجتنا بتختلف  وغيرها من الظرف التي تجعلك لن تفي بالوعد او تغير من وعدك 

بلاش الوعود القاطعه … بلاش هافضل طول حياتي جنبك  بصونك واحبك بلاش انك هاتفضل طول العمر في قلبي …. بلاش لو حققت التارجت هاتاخد البونص…. بلاش الكلام اللي احنا مش قده 

ابعد عن الوعود القاطعه وخليك دايما في اني احاول  .. المحاوله في حد ذاتها شىء جميل ويعطيك باب للراجعه … بيقلل كسره القلب والنفس 

  

الدلع اصبح طلب جماهيري

 جه الوقت اللي اقدر اقول ان الدلع اصبح طلب جماهيري من الراجل او الست 

زمان كانت الستات فقط  هي من تطالب بالدلع والحنيه ولكن واضح جدا ان من قسوة ونشفان الحياه اصبح الطلب مجتمعي … 

تعالى ما ادلعك … او دلع نفسك او انا هدلعني 

من موقعي هذا احب اشكر اللي صدق وفكر وقرر انه يعمل حملة شعبيه ويجعلها طلب مجتمعي ولم يستثنى شريحة 

فالكل اصبح ينادي بالدلع ….. راجل كان او ست

وطبعا اللي يساعد على انتشار الحمله ان يتجة كبار  الفنانين باصواتهم المختلفه ومن مختلف الثقافات يغنوا للدلع

بدًا  من بهاء سلطات لما اقال اعدي عليك وادلعك يعني كمان بيعمل مجهود مش مجرد كلمتين …. ولا لما ينزل الهضبه بانه قرر يدلع شوف بقى كام واحد هايقلدوا وكام بنت هاتشبط وتطالب بالدلع 

وحسين الجسمي واتدلع ودلعني وهنا رساله  بالمساواه

واخر ما سمعت تامر حسني لما قال ودعا  انك مش لازم تستنى حد يدلعك انت دلع نفسك واعتقد ان دي رساله مهمه جدا 

من وجهة نظري المتواضعة ان الدلع دا حاجة كدا عامله زي السحر 

الست لما تتدلع  تشعر انها موجوده ومسيطره ….  وللراجل  الدلع هو خطوه لبدايه مشوار ينتهي بكل خير  … 

عليكم ان تعلموا اولادكم وتوعوههم ان الدلع حق وواجب ….اوعوا تقولوا لبانتكم عيب على الدلع ….واوعوا تقولوا لولادكم لو دلعتوا هاتتركبوا …مفاهيم خاطئة لازم تتغير 

الدلع والحنيه اكسير الحياه 

اعرف واتاكد انك كل ما تدي دلع هاتاخد دلع 

استمتع بدلعك    

دلعها تدلعك