تحياتي يا فندم
عرفت ان مؤتمرك السنه دي عندنا في شرم الشيخ
رد عليه وقالي… اه عرفت وعلى قدر ما انبسطت على قدر استغرابي من الاهتمام المفاجئ
دا انا حسي اتنبح واللي بيشتغلوا معايا كانوا بيتحدفوا بالطماطم …. هههه …
ياماااا حاولنا نفهم الناس والقيادات ورواد الفكر ان في حاجة اسمها تغير مناخ
ياما قلتلهم اني مودي ومزاجي وزعلي وحش… وان بعمايلكم السودا ممكن اعكر مزاجكم ولا حياه لمن تنادي
ايه اللي حصل … مش عارف
وانا صراحة من قمة دهشتي ولاني اشتغلت فتره مع الاستاذ مناخ حسيت بكل كلمه بيقولها
وبدأت استرجع ذكريات زمان مع اول دخول لي للعمل في وزاره البيئه وخصوصا بوحده المناخ….اللي كانت ايامها وحده ولسه مكبرتش …. والمناخ صراحه اشتغل على نفسه حتى اصبح اداره مركزيه وبها ادرات مختلفه تعمل بكل جد وكفاح …. واثبات وجهات نظر وصراع داخلي وخارجي … وكان المتخصصين بيحاولوا يقنعوا الكافه والمناخ معاهم … بيحاولوا
وسنين تمر ومعها ظواهر اعتيادية وغير اعتياديه
سيول بالتجمع …..قرى بتغرق
رياح قويه
المهم بدا المناخ يشعر بقوته….. وفجأه الكورونا تهاجمنا وتوقف نشاط البشر …. وتوقفت المصانع عن العمل وبدات الارض تتنفس
وبعد عوده الحياه نسبيا علمنا باستضافة مؤتمر المناخ بشرم الشيخ واصبح المجتمع اللي فاهم منه واللي مش فاهم عاوز يتحشر في المناخ
وزي زمان لما كان في ناشط سياسي او حقوقي اصبح في ناشط بيئي
والفتي والهري اشتغل …واصبح الكل عاوز يروح الكوب٢٧….علشان يظهر ويبان ويقول للمناخ انا هنا وعاوز اساعد …. طب عملت ايه … عملت كثير … دا غير ان الكل اصبح يستخدم مفردات مهمه ولكن هما مش فاهمنا وتحتاج الي سنين … واصبح اللي عاوز يظهر يقول كلمات من نوعيه استدامه …تكييف …تخفييف… اهداف …رؤيه وغرها
والمناخ مستغرب … صحيح الفرحه في عينه علشان الاهتمام اخيرا … ولكن يا رب يكون الاهتمام دا عن ايمان بالقضيه مش علشان المظاهر والشو
الفكره ان المناخ فاهم ومحدش يقدر يضحك عليه … هايفقس اللي عامل نفسه مؤمن بيه … وهايقف ويساند جامب الناس الجد
اصل مش طبيعي ان كل اللي بيكلموا بيفهموا في القضيه و اهداف القضيه
استاذي المناخ … معلش استحملنا
