الحياه دمها ثقيل

  راح فين الروقان الهيام ولحظات التأمل اللي كنت بتغتنمها 

راحت فين اللمه الحلوه اللي كانت بتجمعنا 

الضحكه العاليه  

دلوقتي الناس خايفه تتجمع    اصل التكلفه غاليه …..يا تكلفه ماديه ومش وقتها يا تكلفه نفسيه بانك هاتسمع بلاوي الناس فتقول هما عايشين ازاي  وتتوجع زياده وتتغم اكثر ما انت مغموم

اغلب الناس بقت بتضحك على بعضها يا تمثل انها مبسوطه علشان تتعالى على بعض او تمثل انها في غم وهم على طول علشان تداري العين 

الطبيعي اصبح معدوم 

الطبيعي اصبح مكسوف لانه مش هايتصدق وفي الغالب ها يتهاجم

اصبح الهروب ملاذًا  للكثير  

الجدع اللي يعرف يداري مشاعره واحاسيسه لحسن يتفقس 

ويصبح اضحوكه …. 

ويتقال اصله ضعيف ماستحملش…. دا نكدي ابعدوا عنه …. ياحرام دا غلبان وغيرها من المسميات

فاصبحنا جافيين ناشفين تافهيين

علاقتنا مع بعض صماء 

مافيهاش هات وخد لله فيها خد وانا هاخد ايه في المقابل

الحياه من كثرة الصعبات اصبحت ثقيله 

واحنا من ثقلها اصبحنا معدومين ماشيين فيها تايهيين 

اليوم بيومه دون حسابات 

اصلك لو حسبتها كنت اتجننت

دموعك

 دموعك عزيزه وغاليه 

اوعى تتكسف تظهرها

اوعى تخجل وتقول انا كبرت 

دموعك غسيل لروحك .. اعتبرها نظافه داخليه وتطهير 

طبعا انا هنا بتكلم عن الدموع الصادقه اللي بتخرج منك دون كونترول

لان اكيد في دموع خادعة واصحابها شاطرين في المراوغه 

ولكن انا هنا بتكلم على الصادقين … اللي مشاعرهم لسه بتتاثر بمشاهد الافلام او الاغاني العاطفيه اللي بتمس الروح والقلب 

اللي بتفرحهم الضحكه الحلوه او الابتسامه  من أبسط المواقف 

لما بيفتكروا   اللي فارقوا   او 

مع اول كلمه بحبك  ولا يمكن مع  لمه حلوه واحتواء في ظل الازمات 

او لما تشوف ولاده ابنك او بنتك  …  تخرجهم ومع كل لحظه حلوه بيعدوا بيها 

……لحظات الفراق او الخيانه 

او عدم التقدير او مع تحقيقك للكثير 

هنا بجد دموعك غاليه وعزيزه    

سبها  تنزل  والاحسن ان يكون حد غالي عليك او حبيبك يشاركك  …حد يقدرك ويحتويك  تشعر معه بالارتياح 

قسوه الحياه وشدتها  خلت الدموع صلبه وجافه 

الموروثات ان  دموعك تضعفك وان عيب تعيط امام حد … هايقولوا ايه لو عيطت 

ولايهمك خليك قد أحاسيسك  واحترمها 

دموعك كنز حافظ عليه 

ولا تعطيه الا  لمن يستحق ويقدره