الراجل اذا كان خاطب او متجوز عليه ردود افعال مثيره للاهتمام والجدل ويمكن عمل دراسات اجتماعيه عليها.
وتظل الست في حيرة من امرها وتعيش عمرها كله بتحاول تدرس ردود افعاله او تتعلم كيف ترد عليها .
ويمكن للراجل ان يتغير حتي يبهر الست بافعاله (الحلو منها او المر) تعيش عمرها كلة تحلف بحركة عملها وممكن تموت من غيظها بسبب موقف
في قعدة الستات ممكن تسمع كثير من حركات الرجالة منها المبهره ومنها المثيره وفي كمان الخطيييره.
يمكن ان يعيشك في حالة ترقب واثارة وفي اخر يوجع قلبك ، وكمان في اللي يديكي النشوه واللهفه والحب والدلع الزائد، لديه القدرة في نصف ساعة ان يجعل كل فصول السنه مرسومه علي وجهك.
دخلت عليه والشرار بيطق من عنيها وسألتني !!!!! اعمل ايه معاه؟ (وهنا قررت ان تحكي لي ... علي اعتبار اني هفيدها)
هي : خدته علي البحر علشان يقول اي حاجة.... وبعد طول مده ...
هو: انا عاوزك في حاجة مهمه....؟؟؟
هي : ها ايوه قول "وعلي وجهها ابتسامه بلهاء" ( في بالها ...انطق بقي شلتني)
هو : انا بفكر اشتري مقبرة "وهو ينظر الي عينيها" كأنه يغازلها .... اشتريها هنا ولا في البلد.
هي : طبعا حاولت تمسك اعصابها الي اقصى درجة ... لان لو سابت نفسها كان زمانه فى المقبره دلوقتى.
وسالتني ها اعمل معاه ايه بقي ... متوقعتش انه موود البحر يلهمه بكل هذه الرومانسيه.
وطبعا انا لم استطع نصيحتها "لايقولوا بتقوم" ... وفضلت التزم الصمت؟؟؟؟ ودي كانت احدي المواقف التي رسمت فصلي الشتاء والخريف معاً علي وجه البنت
دخلت علي اخرى واللمعه بعنيها ... وباين علي وجهها الفرحه "والزقططه" وقررت ايضا ان تحكي لي (اصلي الصدر الحونين) .... قال لي اغمضي عينيك ومسك بيدي بحنيه بالغه و كاد قلبي ان يفط من مكانه .. وتصدقي افتح عيني الاقي هديه كبيرة ملفوفة ... من كثرة فرحتي ... كنت هتشل ... فقلت له ميرسي قوي تعبت نفسك .... بمناسبه ايه دي ....... تخيلي قال لي ... "من غير مناسبه ... حاسيت اني عاوز اجيب لك هديه"...
زوجها العزيز ؟؟؟؟؟ لو تبص حضرتك في وشها وهي بتحكي لي علي حركتك الهلاميه التي اسعدت قلبها والمعت اعينها.... ستشعر انك كأنك بنيت الهرم وحدك (انجاز كبير شويه ... ولكن والله هي كانت فرحانه جدا)
وبردوه بعد ما حكيت معقبتش لتروح تلاقي موده قالب ( اصله مش مضمون) ... تقول اني نقيت!!!!!!
واخيرا في اخر اليوم دخلت علي صديقة تحكي لي حركة من حركات زوجها ..... وبدأت
هي : مالك في ايه متزرزر ليه ...
هو: بقولك ايه ....كلمتني وعاوزه ننزل نتكلم بره .... اصلنا متخانقين
هي : طب انزل وخليك هادي ... بس امانه عليك تخلص وتحكيلي
هو: انا كلمتها واجلت الميعاد لبكرة
هي : طب خلاص اهدى ... بس امانه عليك لتحكيلي اول ما تخلص معاها واوعي تتنرفز..
فسألتها مين هي دي اللي بتواصيه عليها أوي .... امه ،،، اخته ... فقالت لي لااااء ... دي مراته الثانيه .. وعامله معاه حركة نداله ... فبحاول اساعدة ... بس تصدقي بالله قلبي واجعني وانا بكلمه وبانصحه يعمل ايه ..... وموجوعه اكثر لاني مستنيه بكرة اعرف هيعمل معاها ايه .... ولما بيتصالحوا علي العذاب اللي بشوفه ودموعي اللي بتنزل وانا بتخيل انه بيحاول يصالحها او هي اللي بتترجاه انه ميزعلش منها
عجز لساني عن الكلام وبردوه لم استطع الرد او ابداء اي نصيحة .....
اه منكم يا رجاله تعبين قلوبنا ومشحتفنا .... ولكن لا مفر انتم قدرنا
ليست هناك تعليقات:
إرسال تعليق