الرجال يستغيثون منكم يا ستات !!!!!
اجتمعت مع بعض الاصدقاء ولاحظت ان الرجال يعانون من مشاكل كثيرة ومن اهمها عدم احساس الستات بمشاكلهم الحياتيه وعدم تقدير لما يقدموا من تضحيات .... فهم يشعرون بأنهم متهاضون .
مش كل الستات ملائكه ولا كل الرجال جبابره .... ( ودا كان كلام احد الرجال المجروحين) وشعرت بمرارة ما يمر به من "عنصريه واتهاض" ( يا ضنايا يا بني) ...
جه الزمن اللي الرجال يشعرون فيه بالعنصريه وانهم أقليه .... وتبرعت ان اعرض بعض من مشاكلهم حتي يشعروا بالراحة والطمأنينه خصوصا لو العرض جاء من ست ...
المسؤليات والطلبات ... من كثرتهم .... يفقد الرجل القدرة علي التعبير المباشر او الغير مباشر وعندما يفقد الراجل القدرة علي التعبير ...... تشغل الست خيالها الواسع وتتركه يوسع لغاية لما يبتلعها ... وتبتدي بقي ... دا هاملني ... دا مش طايقني .. دا ناوي يبدلني ... ولكن المشكله انه من كثرة ما يمر به ....ييأس ويشعر انه عاجز... قدري شويه هيجبلك انتي وعيالك منين .... "كله هات هات مافيش خد"
الدلع والحنيه .... الراجل عامل زي الطفل الصغير .... نفسه في الدلع والحنيه والطبطبه والمداديه... تأكليه في فمه... تبوسيه قبل النوم وتقولي تصبح علي خير يا حبيبي ... ولكن للاسف حتي لو كنتي بتعملي كدا علي خفيف في اول الزواج ... اول ما تخلفي تركني الراجل علي جنب ولا كأنك تعرفيه ... تسيبيه وتروحي تنامي في اوضة نوم العيال "اصلهم عيال بقي" لاجل غير مسمي او تجيبي العيل جانبك فيجبر هو علي ترك غرفة نومه بالشهور ويروح ينام في اوضة نوم العيال عمرك سألتي نفسك هو الوضع دا مريح له ام لا ... ابدا ولا جه في بالك .... ينادي مهما ينادي ولا انتي هنا .... يرميلك كلام .... وانتي اخر طناش
النكد والشكوي ... الراجل مبيحبش الست النكديه او الشكايه .... ارحمي الراجل شويه يا عنيه .... تشوفي وشه من هنا وتعقدي النيه علي النكد تقوليش "جوز امك" وتشتكيله من طوب الارض ... من اول بواب العماره لسواق التاكسي ولا اسعار الخضار .... ومديرك اللي منكد عيشتك... امك واختك .... تخلصي دا كله وتفتكري كل المصائب اللي فاتت فتكشري وتعيطي ساعتين .... لغاية لما تجبيله اكتئاب مزري يحاول مهما يحاول يهدي فيكي ... وانتي علي مين "فقرة النكد" عندما تقرر هي ان تنكد ....ابعد من شوها لان مش بالساهل تفكها ....
الاهتمام بالنفس.... حاول ان يلفت نظرك كثيرا فيبدا بكلمة او اتنين كل يوم ... "مش حاسة انك تخنتي ... مش حاسة انك محتاجة تغيري طريقة لبسك ...." تتعظي ابدا .... تبتدي تفكري في كل الافكار الشيطانيه علشان تركبي نفسك الهم والغم وتنكدي عليه... وتقوليله بقي " انت قاصد تهدني ... انت شيافلك شوفة.... انت اصلك عنيك زايغه........" طب فكري شويه الراجل طول اليوم بيخبط في موزز اشي سوريه علي لبنانيه وبعد شويه هتبقي اوكرانيه ... يبقي الاحسن تفوقي شويه!!!!!
الحورات .... طبيعة الحوار بين الزوجة والزوج المفروض تختلف عن الحوار بين الاصدقاء او الاهل ... اشتكي الرجال كثيرا من ان الستات بيتحاورا معهم بصيغة الامر المباشر.. ليه الحوار او عرض الطلبات ميبقاش بدلع وحنيه ...بتقدير شويه ... الطلب لو لم ينفذ تبقي حوسه .. وآه لو الطلب للعيال تسلط العيال والزن يشتغل ... هو احنا في حرب ...دا انا جوزك...
فرصة للحريه....يتمني كثير من الرجال ان يتمتعوا بالحريه بعد الارتباط...
الارتباط لا يعني الحبس يا ستات..... الراجل قبل الزواج حريته كانت مضاعفه وفاجأة يتعرض يومياً لنوعية اسألة تصيبه بالعصبي ... رايح فين ... انت فين دلوقتي ... مين معاك .... قهوة ايه هو كل يوم قهوة... ارحمي من في الارض يرحمك من في السماء....
اسئلة غير مرغوب فيها..... من وجهة نظر الراجل وتصيبه بالعكننه
تأكل ايه ؟ انت ساكت ليه ؟ مبتكلمش معايا ليه ؟ انت خارج ؟ رايح فين؟ معاك فلوس؟ (وهو لو معاه هيخبي ) جبت اللي قلتلك عليه؟ ( هو ايه .. اكيد نسي عادي بشر ... ممكن ينسي) مكشر ليه ؟ متعصب ليه ؟ ( لسه راجع من سواقه ساعتين ثلاثة ... لازم يكون مكشر)
ارجو منكي مراعاة عدم تكرار تلك الاسئلة كثيرا
الحورات .... طبيعة الحوار بين الزوجة والزوج المفروض تختلف عن الحوار بين الاصدقاء او الاهل ... اشتكي الرجال كثيرا من ان الستات بيتحاورا معهم بصيغة الامر المباشر.. ليه الحوار او عرض الطلبات ميبقاش بدلع وحنيه ...بتقدير شويه ... الطلب لو لم ينفذ تبقي حوسه .. وآه لو الطلب للعيال تسلط العيال والزن يشتغل ... هو احنا في حرب ...دا انا جوزك...
فرصة للحريه....يتمني كثير من الرجال ان يتمتعوا بالحريه بعد الارتباط...
الارتباط لا يعني الحبس يا ستات..... الراجل قبل الزواج حريته كانت مضاعفه وفاجأة يتعرض يومياً لنوعية اسألة تصيبه بالعصبي ... رايح فين ... انت فين دلوقتي ... مين معاك .... قهوة ايه هو كل يوم قهوة... ارحمي من في الارض يرحمك من في السماء....
اسئلة غير مرغوب فيها..... من وجهة نظر الراجل وتصيبه بالعكننه
تأكل ايه ؟ انت ساكت ليه ؟ مبتكلمش معايا ليه ؟ انت خارج ؟ رايح فين؟ معاك فلوس؟ (وهو لو معاه هيخبي ) جبت اللي قلتلك عليه؟ ( هو ايه .. اكيد نسي عادي بشر ... ممكن ينسي) مكشر ليه ؟ متعصب ليه ؟ ( لسه راجع من سواقه ساعتين ثلاثة ... لازم يكون مكشر)
ارجو منكي مراعاة عدم تكرار تلك الاسئلة كثيرا
رساله من راجل مفحوت : ارجو ان تضعي في اعتبارك انني كائن حي احتاج الي الحب والمودة والحنيه.... كما اتمني منكي ان تعطيني قسط من الحريه .... وبلاش الاسئله الكثير خفي منها شويه...
بطلي تسمعي لاصحابك البنات اللي بيحرضوكي عليا
نفسي اصعب عليكي شويه..... تأكدي اني شايل المسئوليه ومش ناوي افرط فيكي يا "وليه"
بطلي تسمعي لاصحابك البنات اللي بيحرضوكي عليا
نفسي اصعب عليكي شويه..... تأكدي اني شايل المسئوليه ومش ناوي افرط فيكي يا "وليه"
ليست هناك تعليقات:
إرسال تعليق