تلقيح الكلام صفة تحتاج الي تمكن ومهارة غير طبيعية ........
التلقيح له طرق مختلفة وأساليب كثيرة ......
التلقيح ما بين الاصحاب يختلف
عن ما بين الأزواج .... يختلف تماما عن التلقيح
في الشغل
الست لو عاوزه ترمي لجوزها كلام ... بنظام
التلقيح ... فتلاقيها ترفع سماعة التليفون وتكلم واحدة صاحبتها تكون مظبطه معها
...وهاتك يا رمي كلام ...
الرجالة دول عليهم حاجات ... دول
"ولاد تييييت" هما فاكرين انهم يقدروا علينا ... ابدا ... ان كيدهن عظيم
... انتي عارفة "سناء" وطبعا سناء دي صاحبة هلاميه ... لأنها عاملة حساب
المستقبل ... يمكن يقابلها .... دبت خناقة مع جوزها .... هو اللي غلطان طبعا ...... نكدي وغيور وعينه زائغة
... طبعا الحلوة بتلقح على صاحبنا ..... هي
في قمة النرفزه و محتاجة تصب غضبها ولسنها
متلجم ... فلجأت الي التلقيح ... من وجهة نظرها هذا أسلوب اهون من الخناق المباشر والصوت
العالي ....
والراجل قاعد بجانبها سامع وحواجبه مرفوعة ...وفي قمة التنبه ولكن طبعا
عامل نفسة من "بنها" .... وهي ما بتسكوتش ... وبهذه الحيلة تكون وصلت كل ما بداخلها دون ان تلجأ الي الطريق
المباشر ... وبالبلدي كدا " ما يتمسكش عليها شيء"
وأول ما تقفل التليفون ... ترجع تتكلم
عادي ولا كأن الراجل اللي جنبها دا كان موجود ... ولو اتزنقت وسألها ... ترد ببساطه
... هو انا كنت بتكلم عليك ... انا كنت بتكلم علي جوز " سناء "... اصله يستاهل....
اما تلقيح الاصحاب مع بعض شيء اخر .... خليكي دوغري واتكلمي علي طول ..
طب جوزك وفاهمين
انك تعملي كدا علشان تقللي الخناق او مش جريئه كفاية
... اويمكن أسلوب "تنفيس"
.... انما صاحبتك ... خايفة من ايه ... ادي
على طول ولا يهمك
تلاقي الستات من دول قاعدين مع بعض وتستنى "صاحبتنا" اللي عليها النيه تيجي ... وتنزل تلقيح كلام ... علي "وتيرة"
اعرف واحدة قصيرة وبنظارة غلاويه وشريره ومنفسنه ... يبقى اللي قاعد علي الطرابيزة
فاهم انها بتلقح كلام على صاحبتنا ... ويمكن صاحبتنا نفسها فاهمه....
او التلقيح الخاص بالتصرفات واللبس ... هي مش حاسة بنفسها ... مش كبرت علي اللي هي
لابساه... هي لسه الناس بتضرب لون الشعر الفاقع ده ....... شوف بتتكلم الزاي مع
"عمر"....... ايه الصوت العالي و طريقة الهزار دي .... وكل دا صاحبتنا اللي عليها
النية بتسمع التلقيح عليها .... والداهية انها فاهمة .... ولو حاولت توضح انها فاهمة
... يبقى المثل المعروف "اللي على راسه بطحة"...
تلقيح الكلام في العمل ..... ما يحلاش غير انه يتقال في الاجتماعات الكبيرة
... على عينك يا تاجر .... ويا ويلك لو مديرك هو اللي يلقح الكلام ... تبقى سنتك فل
.... ولا تقدر تفتح بقك .... وتخرج من الاجتماع ... الكل عارف انك انت المقصود ... حتى انت شخصيا عارف انك انت المقصود .... اما الزمايل ... ما يتوصوش لو تكاتلوا
علي حد يبقى انتهى امره ... من اول
في حد مقضيها اجازات وغيابات واحنا اللي شايلين الشغل ....احنا مش هنقول
مين ... على اعتبار اننا مش فاهمين ... وراح يا ولداة في كلمه لريسه من حد ذو نفس مكلكعه
منفسنه....
لو افترضنا ان التلقيح أسلوب "للتنفيس"
حتى لا نزيد من المشاكل او أسلوب لعدم المواجه.... فهذا اعتقاد خاطئ ... هذا الأسلوب
ينهي علي العلاقة تماما ... ويجعلها مهلهلة ... معدومة الثقة ... لذلك الهجوم اسرع وانقى وسيله للدفاع
ليست هناك تعليقات:
إرسال تعليق