دخل علي والابتسامة على وجهه وقالي انا بقيت ترند
الناس كلها بتتكلم عني
بقى عندي متابعيين ونشطاء وموردين
وانا مبسوطه لانه فرحان ولكن خفت اصدمه بالحقيقة وان المفروض مايفرحش قوي لان اللي بيركب الترند بسرعة بيقع على بوزو
ولكن حقيقي سكت شويه وفكرت …فكرت ان في ناس مؤمنين به بجد واشتغلوا معاه وبيحاولوا يوصلوا صوتوا
في أمل…. في ناس حقيقية
فابصيت للمناخ وقلتله افرح بس بالعقل علشان تعرف بجد مين اللي حقيقي ومين المزيف
الفرحه اكون بحساب وركوب الترند لازم يكون بحساب
مش اي حد تمشي وراه
قلتله اوعى يغرك ان كل الاعلام بيتكلم عنك ولا كبار رؤساء الدول بيحاولوا يراضوك
ولا علشان كل شركه كبيره عاوزه تعملك مكان عندها يبقى الناس دي معاك …. مش شرط
الجد منهم هايدعمك من غير ما يجري ورا شهرتك
يا مناخ ركز وفكر في مستقبلك دا الاهم
يا ما ترندات طلعت ومحدش فاكرها … المهم اللي يركب وماينزلش
فاهمني يا مناخ
ولا ماانت فاهم حاجه
وغرور الشهره شكله جننك
وببص عليه لاقيته بيقلب في التلفزيون وبيتفرج على القنوات اللي جايبه في سرته ومعاه موبايله وبيشوف بقى عنده كام متابع
ليست هناك تعليقات:
إرسال تعليق