أساله تفرض نفسه على مر الحياه ومن اجيال الى اجيال
لماذا لا يعيش الحب واللهفة بعد الزواج
لماذا الحب في غير الاطار الشرعي له لذه مختلفه
لماذا الاشتياق شكله بيختلف بعد الجواز
هل لان الممنوع مرغوب
المشاعر بكل اشكالها التلامسيه او الروحانيه بتختلف
يمكن علشان التعود
علشان بين ادينا وعايشين في فكره أنها من الثوابت
هو احنا لسه مش قادرين نقتنع ان مافيش ثوابت
اه … مافيش ثوابت … اللي فاكر انه معاك بكره ممكن يختفي
اللي بتحبه وبتعشقه في خلال ايام هاتحب غيره او ممكن تكره
الغريب في المعتقدات اللي اتربينا عليها
الست اتربيت في بيتها انها اميره وان الفارس هو اللي هايدلع ويهنن ويطبطب وبالتالي هي عايشه في فكره انها المتلقي دائما ومش بتحاول
والراجل اتربى على انه لو دلع الست هاتسوقه وهاتركب وتدلدل
مع تغيرات الحياه ومعطياتها…. مافيش ثوابت ولا دا نافع ولا دا هاينفع
في ظل انشغالنا بمدعكة الحياه عاوزين الدلع والاحضان والقبلات
مبقاش في الصبر بتاع زمان ولا الكلام بتاع عششي واستحملي ولا اصبر عليها
بقى الكلام …. سيبيه وسبها وعيشوا حياتكم
سرعه الحياه ادت الي سرعة القرارات
اللي في ايدك دلوقتي بكره في ايد غيرك
واكم من الناس إللي حوالينا يحبوا الصيد في الماء العكر
المغريات بالهبل ومستنيه اللي يلقطها سواء للراجل او الست
واخيرا
ماتخفش تحب في العلن … وبردوا ماتفتحهاش على البحري
نقي اللي تديلوا مشاعرك وحبك
ولو وقعت في لذة الخفاء….. اوعى ماتعرفش تقوم لانها هاتقلب نار تحرقك
خاليك زكي وانت بتجرب
ليست هناك تعليقات:
إرسال تعليق