ثقافة الاستمتاع .. احترت انا ..هل هي ثقافه مكتسبه ام بالوراثة …يعني بالبلدي اتولدنا في وسط ناس بتعرف تستمتع ..
ام هل الاستمتاع يتواجد اينما وجدت الموارد .. وكل ما مواردك زادت … زاد استمتاعك ويمكن يكب على غيرك
ولا يمكن تعتمد على طبيعة الشخصية .. واصرارها على إنها تستمتع مهما كانت الظروف
هل ثقافه الاستمتاع ترتبط بثقافة الشعوب … يعني مثلا يقال ان الشعب اللبنانى بيعرف يستمتع … مهما بيحصل … بالليل عنده حاجه ثانيه
ولا يمكن تعتمد على الصفات مثلا صفة انك تعرف تخطط وتحوش
وجايز تكون انت بتعرف تستمتع ولكن اللي حولك ميح … فدا معناه انك تختار اللي ها يشاركوك اللحظة …وتبقى حوسه لو انت مش عارف وهما كمان مش عارفين ..نحس بقى
طب ما يمكن اساليب الاستمتاع اتغيرت واللي كان بيبسط زمان مبقاش يبسط دلوقتي والعكس …
وممكن نقول ان البرستيج بيتحكم كمان في شكل استمتاعك … يعني ماينفعش اعمل دا الا بالشكل دا
وساعات بتبقى محتاج تغيير جذري وابداع في الاستمتاع علشان تحس بالفرق .. مش مجرد استمتاع كدا والسلام…
ونصيحه ابقى احسبها كويس لان ندمك بعد ما تصرف وتكلف وتستمتع ممكن ينكد عليك وعلى اللي حوليك … ودا هايحتاج مرحله تعافي من هول ابداعك علشان استمتاعك
اصل مافيش استمتاع ببلاش
كله بثمنه
كل اجازه وانتوا في قمة الابداع لكي يتحقق الاستمتاع
