في حياتنا حاجات صغيره بتفرق في يومنا او في معاملتنا او حتى في حياتنا
يعنى اكله حلوه عملتها بحب وحد قال تسلم ايد اللي عملها
ضحكه حلوه في وش حد بيقدملك خدمه حتى ولو صغيره
ابتسامه الصبح في وش اللي حوليك بدل قلبة الحواجب
لما تعيد على حبايبك في مناسباتهم او لقدر الله تعزيهم
لمة العيله بعد غياب طويل …ولا كمان لمة الاصحاب بعد طول غياب
لبس جديد وتلاقي اللي يقولك … الله ايه الجمال دا
لما تساعد حد وانت مش مستني حاجه وتلاقيه بيدعي لك دعوه حلوه
ولا لما تلاقي زميل افتكرك في مناسبه وانت كل علاقتك بيه شهور .. .. دا معناه انك اثرت فيه … افتكرك وميزك .. دا معناه ان سرتك حلوه
في بقى حاجات اصغر من كدا وبردوا ممكن تبسطك
اليوم اللي بتخلص فيه الصيفي والشتوي وفرحتك باول يوم الدولاب في مترتب
فرحتك بان الكرسي اللي في اوضه النوم فاضي من غير هدوم
ولا ان اخيرا شفت سبت الغسيل فاضي
رخامه المطبخ وهي فاضيه وبتلمع
ويوم التنظيف لما الست تمشي وتفرح بنظافه البيت لساعات ..كل حاجه مترتبه …
اكيد كل واحد فينا عنده حاجات تفرحه
المهم انك تستمتع بيها وقت ما تحصل والاهم تفتكرها وقت الزعل علشان تهون عليك
ورمضان كريم
ليست هناك تعليقات:
إرسال تعليق