العمر بيجري ..جمله كلنا بنقولها ..ساعات بنكون قاصدينها ..وساعات ثانيه بنكون مش واعيين لها
ولكن مع مرور الوقت ..تدرك اكثر وتفهم اكثر
اهم مافي قصة العمر انك تكون عيشت حلاوته بالرغم من صعوبته
وحلاوته تبدا من مع كل موقف عيشته …عمرك ما هو الا لحظات فوق بعضها عيشتها مع ناس بتحبها .. او تحديات وصعوبات عديت عليك وانجزتها … مواقف حلوة وجديدة تسعدك او حتى تعدي عليك علشان تعلمك عليك …مواقف رسمت ابتسامه … او بسبها عيشت اول لحظه حلوه في كل حاجه
العمر اللي عدى ..مش اكثر من اللي جاي … حاول على قدر استطاعتك انك تستفيد وتفيد
حلو انك تدرك انك كبرت او ان عمرك بيجري …المهم تكون عارف هو كان بيجري في ايه ..ومع مين… ولو محتاج تعديل مسار اوعى تقول .. خلاص العمر جري … لان مادام في نفس يبقى لازم تكمل … انت مش عايش لوحدك انت حولك ناس بتحبهم ويحبوك .. ويمكن في ناس من حوليك بتستمد قوتها منك …
عمرك عهده حافظ عليها الا ان تسترد
عمرك نعمه استمتع بها ومتع اللي حوليك
ليست هناك تعليقات:
إرسال تعليق