ساعات كدا تحسي ان اليوم مكعبل ولما يخلص تقولي الحمد للة انة خلص علي اد كدا ( مزودهاش في الكعبلة)
توقيت اليوم المكعبل:
كل واحد ويومة بيبدأ امتة ممكن تحسبية من 12 بالليل وممكن تحسيبة من ساعة متصحي في الصبح
انتي وذوقك او انت ومقدار معزتك للكعبلة .
خصائص اليوم المكعبل : اليوم المكعبل بتلاقي في مشواير كثير واغلبيتها بتفشل والمواصلات زحمة جدا وعربيتك ممكن تعطل في النص كدا غلاسة علي فكرة كل دا مع شغلك طبعا تكوني مستأذنة من مديريك علشان المشاوير اللي فشلت. ولو رجعتي البيت بعد عناء طويل فتلاقي الكعبلة بتزيد الاكل يتحرق او يشيط ويسلام لو مستعجلة علشان لسة نزلة تاني فتلاقي الاكل وانت شيلاه وقع بصلصته برزة بسلطاته علي الارض. الغسالة, لازم تنشري الغسيل علشان في قميص لازم يروح للمكوجي بالرغم من ان في قمصان كثيره بس القميص اللي في الغسالة هو اهم واحد. وفي النص العيال بيتخانقوا ويسلام كام تليفون كلهم مشاكل وقرف (يخلص اليوم بعينك ابدا لسة) تنزلي بقا تكملي المشاوير المتبقية نجحت نجحت ما نجحتش تبقا تحصل اخوتها اللي في الصبح. تخلصي طلبات الولادد ومن تمارين مكثفة ( اصل الكباتن بيكثفوا التمارين فتلاقي نفسك بتخديهم في العضل) وترجعي البيت خلصانة (تدعي من ربنا ان اليوم يخلص كفاية كدا) تحولي بقا تظبطي المطبخ اللي كان معكوك في الصبح بالذق اليوم يخلص علي 12 بالليل. تحاولي تريحي بقا وتنامي تلاقي كعوبك بتنشر عليكي ووسطك واقع وحرانة وقرفانة نيجي بقا للنهاية وهو حل اليوم المكعبل منا لازم اديكو الحل اومال اسيبكو كدا يومكوا مكعبل
حل اليوم المكعبل
- لازم دش استرخائي تحت المية وتغمضي عنيكي ( الدش مش اكثر من عشر ثواني لان في ناس برة علي الباب بيخبطوا عاوزين الحمام - آه حلي في عينهم دلوقتي)
- تكوني محضرة كوب شاي ساخن بالنعناع حطاها علي الكمود بجانب السرير (طبعا مش هتلحقي بردة لان ممكن تطلعي تلاقيها اتشربت - هو انتي عايشة لوحدك في البيت)
- تتفرجي شوية علي التلفزيون وانتي في السرير (علي اي حاجة تافهة - بردة دا لو عرفتي ,هتلاقي في حد ماسك الريموت بيجيب اي حاجة غير اللي انتي كنتي بتتفرجي عليها.
- اخيرا نامي بقا ربنا يهديكي (متهديتيش من الصبح )
ليست هناك تعليقات:
إرسال تعليق