ما مفهوم الاجازة الزوجية ؟ هي اجازة مشروعة يبحث عنها الطرفين كل
فترة....
وان زادت عن حدها بقيت غم ....وان قصرت زاد الغم والهم !!!!
يوجد اجازة زوجية يرضي عنها الطرفين....و تعتبر اجازة ان شاء الله في صالح
الجميع ...... يعني بالبلدي لما جوزك يجي
ويقولك انا مسافر شوية مع اصحابي بلاش نكد وقومي جري حضري الشنطة وانتي
مقتنعه ....لان هذا هو الوقت المناسب الذي قدره الله لكما لخوض تجربة "للاجازة الزوجية"....... بعد
الاجازه تنتعش العلاقة ويرجعلك ناسي القرف والطلبات والمشاكل .....
وانت بردوه!!!!! لو زوجتك طلبت منك ان تسافر مع الاصدقاء او الاهل , اية
المانع خليك حبوب ولذوذ - دا في مصلحتك جدا لانك هتنعم بالسرير لوحدك , ولومراتك
من النوع اللحوح هترتاح من الالحاح ,لو رغاية , نكدية, شكاية , بكاية في الاخر
يعني انت الكسبان كفايه انك هتخرج بالليل من غير التحقيق رايح فين هتتأخر ولا لاء - اسمع الكلام ووافق احس.
يبقي كد وصلنا ان الطرفين ان شاء الله موافقين علي فكرة الاجازة الزوجية.
نيجي بقي لمدة الاجازة والاسلوب الذي سيتبع خلال الاجازة الزوجية
(لازم نراعي ان الموضوع بيختلف من الراجل للست(
مدة الاجازة في تقديري تتراوح ما بين "اسبوع
أوعشرة ايام" خصوصا بالنسبة للرجل..... المدة لابد ان تكون كافية حتي يستطيع
ان يعاود للحياة الزوجية وهو حابب الرجوع مع الوضع في الاعتبار انها مطولش قوي
ليتعود علي كدا وتبقي مشكلة كبيرة في التأقلم بعد الرجوع.
لكن لو المدة قصيرة!!!! ولم تكن كافية يبقي كأننا معملناش حاجة
....وهو راجع بيبقي "استغفر الله العظيم" مكشر وكئيب وزعلان وكأنة
بيقول يا رتني ما رجعت. اما بقا لو خد اجازته كاملة بالطريقة التي تريحه اول ما يخش
البيت تلاقي في نظرة شوق واشتياق ولهفه ليكي وللاولاد.
الخلاصة لازم يقضي مدة الاجازة كاملة بالطريقة التي تريحة. اما بالنسبة للست لو عرفتي تأخذي الاجازة من غير اولاد
تبقي "فل قوي" واعملي بقا كل اللي انتي عاوزاه.... و ياريت تقللي
تليفوناتك لزوجك..... وبلاش والنبي الكلام بتاع وجع الضمير واسيب الاولاد لوحدهم -
الاجازة دي مفيدة ليهم اكثر من ما تتخيلي هيترحموا من الشخط والنطر وهترجعي فرحانة
ومبسوطه....
الاسلوب التي تتبعة الزوجة في الاجازة الزوجية:
متلحقهوش بالتليفون (انا عارفة انة صعب بس معلش حاولي)
حاولي ما تطلوبيش طلبات خالص ولا تشتكي من العيال في التليفون )
كأن الحياة جميلة ووردية - اشغلي تفكيرك بأي حاجة غير هو بيعمل ايه....
استني لما يرجع وابقي نكدي عليه)
بلاش بقا الجمل اللي ملهاش معني وردها مش هيعجبك زي ( وحشتني جدا طب انا
موحشتكش - ها مغيرتش رئيك وعيزنا نيجي ( ما لو كان عاوزك من الاول ما كان خدك دا
اية النيلة دي) - مبسوط مع اصحابك) (اكيد طبعا)
اما بالنسبة للزوج:
كلمها في التليفون وحسسها انها وحشاك اصل الست غيرك ( هي بيبقا نفسها في
كدا ...عكسك تمام(
اختار الوقت المناسب للمكالمة اهمهما مكالمة بالليل ( ليها طعم تاني خالص
هتفكركوا بالذي مضي ... دا لو في مضى)
واخيرا بالنسبة للزوجين اللي مش مقتنعين بالاجازه الزوجيه وفوائدها ....علي
وتيرة الكلام بتاع ( لازم نسافر مع بعض واحنا اسرة واحدة (ربنا يخليكوا لبعض) ومبعرفش اسافر من غيرة او من غيرها ) الكلام دا له
عندي رد واحد بس
"اشرب يا معلم"
ليست هناك تعليقات:
إرسال تعليق