قرار استخدام الحمام في الشتاء قرار
صعب واستراتيجي .... متفتكرش ان خطوة استعمال "الكابينيه" اخف من
خطوة الاستحمام تحت الدُش..... كله له مساوئه وعيوبه....
تبقى متدفي وتضطر تخرج من تحت
البطانيه .... علشان الحمام .............. ياااا نهااار ... كارثة بيئية بكل
المقاييس .... خصوصا انك لو من الأشخاص التي ترتب لدخول الحمام
.... مثلاً انك تستنى حد يدخل وتدخل وراه علشان "الكابينيه"
يبقى دافي .... او تبقي مولع "الدفايه" لتهيئة الجو ... فلن تشعر
بالصدمة .....
ولكن لا مفر دخول من الحمام
بالليل امر لابد منه.... الشرب كثير جدا ولازم تفضي... المشكلة انك تضطر
للدخول بعد ما يكون بقالك فتره ماسك نفسك ونايم قلقان ... فتجري وانت مقوص
الظهر ماشي بتنط.... ولكن المشكلة الأساسية التي تواجها عندما
تستخدم "الشطاف" يصيبك
بتهنيج فوري ووقتي ... ومش هتكلم اكثر من كدا كل واحد اعلم بنفسه..... وبعدين جري
علي السرير ...... مرحلة ما بعد دخولك السرير تحتاج الي تنظيم
النفس لاستيعاده جو البطانيه ......
نأتي الي قرار الاستحمام ......قرار صعب
.... محتاج الي تجميع كل قواك البدنية ... لأجل اخذ القرار
العصيب بعد ما تشعر ان الريحة فاحت وان فروة دماغك بتكلك .... ولازم
تستحمي.....
كل واحد منا له اجراءاته التي يتخذها عند
الاستحمام في الشتاء .... منا اللي يسخن الحمام حتى يشبر .... وفي ناس
تضع الدفايه في الحمام ..... لبسك معاك كله من اول كلسونك لغاية لكلوكك،
وكل ما تحتاجه لأنك لو نسيت حاجة ستضطر تخرج تجبها او حد يبعتها لك وفي كل الأحوال
مجهودك في تدفئة الحمام هيضيع.....
زي ما في الشطافة في الكابينيه ... في الدُش
في البانيو.....
الدُش له مواصفات خاصة لابد ان
تتوافر بفصل الشتاء... بلاش الدُش الصغير ... نراعي الاحجام التي تقف تحته
... الدُش الصغير ياادوب يكفي ربع ايد ... وليه تقضي وقتك في التدوير علي الميه
السخنة وتكمش نفسك تحته .... افرجها عليك وهات الدُش الكبير اللي شبه المصفى ....
أولا ستستمتع بالمياة الساخنه وثانيا هتعرف تقف فارد نفسك بدل الانفده
والتقويصه.......
فقرة الفوط والبرانص .... فقرة هامة جدا
.....لان الفرق بين ما تخرج من تحت المياة السخنة حتى ان ترتدي
ملابسك... هي فتره انتقاليه إدارتها لازم تكون صارمه وسريعة دون تلكع....
الفوطة لابد ان تكون كبيرة تعرف تتلفح بيها... او برنص واسع وطويل ... يتم
استخدامهم وانت داخل البانيو ... لتهوين فرق دراجات الحرارة بين داخل البانيو
وخارجة.....
وأخيرا طاقية مع سيشوار هوا سخن ...
لان الستات تعاني كثيرا في الشتاء من شعرهم الطويل ويظل مبلول لفتره وتحتاج
الي مجهود خارق لتنشيفه .... الراجل مشاء الله عليه خمس دقائق وتلاقي شعره
نشف وحتى لو اقرع يظبط دماغة بطاقية صوف
وأخيرا حمام سعيد دافئ دون إعياء
ليست هناك تعليقات:
إرسال تعليق