في اربع اشخاص في حياة كل ست صعب تغيرهم ولو اتغيروا يبقى بأعجوبة ... وعلشان اساب قهريه .... انتي اسهل تغيري جوزك او حبيبك عن تغيري دول
اول واحد الجوهرجي .... يصبح صديق للعائلة في الغالب ستات العائلة فقط ... لان عندما نصل الدفع الموضوع منقضي .... من اول ما البنت تفتح عينيها لغاية لما ربنا يفتكرها .... لزوم الثقة والتبديل ... والبيع ... والشراء بالتقسيط ....
الجوهرجي من اهم الأشخاص اللي كل ست تتعايق به امام اصحبها وحمتها وأصدقاء العمل ... اصل جبت دا من الجوهرجي بتاعي .... تقوليش صاحبة محل ....
ولا فقرة الشبكة .... الخناقة وفرض الرأي من الحماوتين ..... كل واحدة عاوزه الجوهرجي بتعها .... لغاية لما حد ينتصر في تلك المعركة الشنعاء ... في جوزات بتخرب علشان "الجوهرجي "
الثاني.... دكتور النسا .... صديق للعائلة .... رجالة وستات..... الست مننا بتراعي في اختيارها لدكتور النسا عدة عوامل حتى لا يتم تغيره اصل مش ممكن نكشف عند امة لا اله الا الله ... دكتور النسا لازم يكون صدره متسع ... يستحمل غتاتة الستات واستفساراتهم ... وغلاسة ازواجهم وحشرة حمواتهم ... دكتور النسا لازم يكون هسه رغاي .. لتوضيح الأمور ... دكتور النسا ... رجل يتم مرمطه في كل الأحوال .... وخصوصا مع اول مولود كل حمى تبقى عاوزه الدكتور اللي ولدها وولد بنتها .... ويظل الصراع قائم حتى ينتصر احدهم وفي الغالب دكتور البنت ينتصر .... دكتور النسا .......... واحد من العائلة..... التليفون مفتوح 24 ساعة .. الواتس اب ... الفيس بوك ... الست مننا لو دكتورها اختفى لحظه يمكن تولد قبل اونها من خوفها .... حتى الزوج يكلم دكتور النسا في كل وقت ... مراتي حشرجت .. ورمت ... اتزفتت ..... على فكره دا طبيعي ما هي حامل ... وعلى فكره هو في الغالب خائف على المولود طبعا .... راعوا نفسية مرات دكتور النسا
الثالث..... دكتور السنان .... مش شرط يكون صديق للعائله... مش شرط دكتورك يبقى دكتور جوزك ... كل واحد حر في بقة ... المهم راحة البق النفسية...... لزوم النظافه ... والفيروسات ... والقوه والصلابه ... والحنيه والدلع في نفس الوقت ..... دكتور السنان دكتور تركبيته صعبة ... يتعامل مع البق .... نفس ... وبصل وثوم... لعاب ... علشان كدا لو مش عارفك ... مش ها يلتمس العذر .... ولكن هذا لا يمنع من اكل اللبان النعناع حتى لو دكتور السنان صاحبك
وأخيرا الكوافير .... ودا بقى حكايته حكايه .... شعرك تاج راسك ... مش أي حد يلعب فيه .... بيعمل لك الف حساب ... ممكن يظبطك بين دورين .... يشتغل في دماغك ودماغ غيرك .... احدث الكريمات ... وش ... شعر رجلين .... الكوافير... دا بقى بحكم مهنته فهو رغاي بطبعه .... في الساعة تبقى عرفتي كل اللي عاوزه تعرفيه .... عند الكوافير بتاعك الكل أصحاب وأحباب ... والغريب بيبان ويتفقس ....
نصيحة ... اختار الاربعه بدقه وعنايه فائقه ... حياتك مش لعبه ... دي مصاير ناس
طب واللي هيدفع لده كلة يتغير عادي 😡
ردحذف