لسه بتحبيه

لسه بتحبيه ... ولا خافيه تسبيه ...

 بتحبيه .... ولا خايفه يتقال انك معرفتيش تحافظي علية  .. 
خايفة يتقال انك مضحتيش ... استعجلتي ...
خايفة تشوفي وتسمعي لوم .... انك لم تحاولى .... ولا خايفه من اللي ها توجهيه

خايفه تاخدي القرار ... خايفة ترجعى من وسط الطريق الطويل اللي مشتيه .... اكيد خايفة من انك ما تعرفيش تبتدي ثاني من جديد .... او يمكن خايفه ان يتقال انك فشلتي.....

جايز ما تعرفيش تحبي ثاني ... جايز تندمي انك سبتيه ... او يمكن يبقى نفسك تعرفيه انك تستهليه!!!!

 قرار الانسحاب من  علاقة لها جزور ... من اصعب القرارات  ... اصله قرار حياتي ... ومصيري...... وله توابع ...لابد ان يكون لديكي القدره على التعايش مع توابع القرار...... الا ستنهاري خصوصا لو لسه بجد بتحبيه

اكيد يمر امام عينيك ذكرياتك ....  الحلوه والمره ... ذكريات تجعل قرارك اصعب  واصعب ...

خصوصا لو كان هو الأول في كل شيء ...   اول من حبتيه   ... اول من لمعت عينيك معاه  ... لو هو حب حياتك ... اول حضن دافئ شعرتي معه بالأمان .....

صعب انك تخدي قرار بانك تسيبيه ... لأنك يمكن تكوني لسه بتحبيه ....

ولكن اعلم انك تشعري بانه اختلف .... وهو أيضا لديه نفس الشعور ... ولكنه لا يعلم انك نضجتي .... أصبحتي اكثر صلابه ....  فقدتي اهتمامك وشغفك ... اختلفتي عن زمان كثيرا .. اختفت شقاوة البنات ... وظهر على وجهك علامات الكبر ... والعجز ... هموم كثيره .... تحاولى تخفيها بضحكة صوتها عالى ...

 

أصبحت الحياه صعبه وتزداد صعوبه بمرور الوقت .... أصبح الشح في العواطف هو الطبيعي ... والعادي انكم اصبحتم شبه "المكن ".... تتحركوا لهدف او عند اخذ امر ...

الكلمه الحلوه تخرج بصعوبه ...
بعد مرور الوقت ... اراكي تقفي امام المرآه وتنظري الي نفسك وتسأليها هل لازلت تحبيه... احساسك اتغير بيه .... شغفك جف... قلبك توقف.... دموعك تسيل ... 
ولكنها لم تستطع ان تواجه نفسها و تبوح  بسرها ....