ذكريات....

ذكريات مضت .. عدت وانتهت ... ولكنها تركت بصمه ... الذكريات افعال كانت او اشخاص .. ويمكن حيوانات ... كلها ليها في حياتك علامة .... فجأة تجد نفسك تتذكرها .. وتضحك .. ويمكن تبكى ... ذكرياتك فجأة تظهر امام عينك ... وانت في وسط المشوار ... تظهر امام عينك علشان تقويك .. ويمكن علشان تدلك على الطريق ..

ذكرياتك المر منها قبل الحلو يعلم فيك .. ممكن يقويك ... وممكن يضعفك ويذل فيك.... يجعلك تفكر وتعيد ترتيب امورك من جديد ....  ...

ذكرياتك مع اشخاص ...  فقدتها او بقالك مدة ما قابلتها .... ترسم ضحكة على وجهك ... ويمكن تدمي قلبك ... وتدمع فيها عينك

بيت قديم كبرت فيه ..... ذكريات البيت  .... ومن كانوا يعيشون معك فيه .. جيران  زمان ..... اصحاب العماره ... مر عليهم زمن ... اختلفت صورهم واشكالهم ... منهم من فارق الحياة ... ومنهم من لازال متواجد ... ولا تعلم اخبارهم .....

اشخاص مروا في حياتك انت بس اللي ممكن تفتكر ليهم مواقف . ...

مدرستك... ناظرة المدرسه .. ومدرسينك  ... منهم من تتذكرهم بالخير ... سبب نجاحك .. وفهمك ... ومنهم كانوا سبب علقة في البيت ........

ذكريات الاغاني .. بتمر بالسنين ... مرتبطة معاك بمواقف ... اول مره تحب ... اول مره تعجب ... اول شريط اشتريته في حياتك .. اول شريط كوكتيل عملته ... فرحان به .. وتعبان فيه

ذكريات اول عمل .. يمكن تكون تركته من سنين ....ويمكن تكون مكمل فيه..... مديرك ... اصحابك ... اول اسفين اخذته.... اول مرتب وعملت به ايه....

ذكرياتك مع حيواناتك...  من اول.... الكتكوت ودودة القز.... لغاية كلبك (دوبي) وقطتك ( ماجي) ... وكلها ذكريات عايشه جواك....

وانت ماشي في مشوار حياتك ... اعرف انك بتعمل  لذكرياتك ...
وانت بتعيش يومك حاول تستمتع بحبيبك... بعملك .. باولادك .... بعيلتك .... لان هي دي ذكرياتك اللي هترجع لها ...
ذكرياتك ما هي الا اعمالك ......