الأخ (ت) الكبير(ة) ...حمال آسيه ... يأخذ
التعليمات من طوب الارض..
مش المفروض انه يغلط لأنه الكبير..
مش مسموح بالغلط لأنه العاقل ... يضحك بحساب
... يزعل بحساب ... الدلع كله مع أولى لحظات الولادة لغاية
لما يشرف الثاني ... وبعدين كله على الصراط المستقيم.
تبدأ التعليمات أول ما يشد حيله ... يسمع كلمة لاء او (No) حسب الثقافات وكلمة "انت"
في كل مراحل عمره حسب الموقف اللي يواجهه .. دا غير شويه مصطلحات أخرة !!!!
اوعى تعمل كدا لحسن اخوك يقلدك ... أنت الكبير ... أنت القدوة
... أنت الأساس ...
لازم تيجي على نفسك علشان أخواتك ... اصلهم هما الصغيرين وانت
الكبير العاقل ..
مين قال انه عاقل ... دا مجنون ومطرقع بس عاوز فرصه للانطلاق ....
الكبير في الأغلب يشل الطين ...يتحمل المسؤولية لو اتربى على كدا .. من كثرة ما يسمع من
امه وابوه انه هو الكبير ... يكبر قبل أوانه وشعره يشيب ... لدرجة انه لما يكبر يحن لأمور
العيال
ابن التاجر ينزل تجارة الوالد بدري بدري ... ابن الدكتور
يتعلم الطب قهرا ..
ابن المهندس يهندس حتى لو مش عاوز .... وابن الصيدلي لازم يقف
في الصيدلية... يسمع شكاوي الناس من أول الإسهال لحد ... أخر الأمراض!!!!
كل ده علشان هما الكبار وحتى لو فلتوا ها يقهروا على حاجات
ثانيه كثيير...
يمكن طريقة اللبس قصة الشعر نوع الخروجة .. اسلوب الكلام ..
حتى الاكل
بلاش لبان ... بلاها مانجة بره البيت علشان المنظر... وغيره من
تعليمات!!!!
الكبير لو "بنت" ضيفوا على اللي فات شغل البيت ...
اصلها بنت لازم تتعلم ولا يقولوا عليها خايبه ...... او الكلمه الشهيره "يعني جوزها
ياخدها خيبانه" ... اوعي تلبسي قصير .. اشفطي بطنك علشان الكرش
ما يخدها خيبانه ... مسيرها تتعلم !!!!
امور البيت فيها حاجات مكتوبه على البنت الكبيره ...لا مفر
... طبيخ ... غسيل ..تطبيق .. مسح حمامات ولم القرف من البلاعات ... هي دي امور
البنات
وفي حاجات ثانيه لابسه في الاخ الكبير ...وصل اختك الصغيره ..
شيل الامبوبه .. اقف مع النجار وكل المشواير التي تصنف "مرمطه"
والحق يقال الكبير يعتمد عليه .. سند .. الا ما قل منهم ...
الكبير كبير باخلاقه ...
ليست هناك تعليقات:
إرسال تعليق