كلاب المعادي!!!
طلوا علينا من التلفاز بحملة اعلانيه من حوالي شهر شارك بها ممثلين أفاضل
.. ناس كدا مغسولة ... ولبسه شيك ... اشي لبس أربعيناتي...وخمسيناتي.. كابات..
برانيط ... بصراحىة صارفين ومكلفين ...
بيكلمونا عن ضرورة تبنينا للكلاب (البلدي) ...او على الأقل اننا
نديهم الحنيه والمداديه ... ياااااا.... والله الدمعة فرت من عنيه !!!!
ولو تشوف الاعلان وهو بيتصور تشعر ان احنا شعب
-بلااااااقب- نعامل الكلاب البلدي (الضالة) بقسوه وشدة .... يعني يهوهو
ويرعبنا .. نسيبه وندي له بوسه.....يجري ورانا نسيب نفسنا له!!! مش مطلوب
منك تخاف .. دول كوكوي خالص!!!!!
دا غير انهم حاصروك على مواقع التواصل الاجتماعي بجلسة تصوير
جامدة جدا !!!يشارك بها الممثل بالكلب "بتاعة" في هذة الجلسة
الشيقة...
عملوا هاش تاج على وتيرة ... #انقذوا الكلاب البلدي... #حبوا
الكلاب البلدي...!!!
طبعا احنا مع حقوق الحيوان وعدم الإضرار به !!! ولكن في تلك الحملات الإعلانية
لابد من مراعاة نفسيات البشر المطحونة التي تحتاج الحنيه والمداديه
!!!!
طب كان ممكن نعمل الحمله اتبنى عيله ... اتبنى كلب !!! ... ونتصور مع
الاثنين لمراعة العدالة الاجتماعية!!!
وفجأه انتشر على صفحات التواصل الاجتماعي خبر موت #كريم... ولد جميل
من كان المعادي.. لا يزيد عن 15 سنه... وتكاثرت الإشاعات حول انه أتخطف ... او
يمكن تعرض للسرقة وغيرها من الإشاعات ...
حتى تبين انه "حبيبي" مات نتيجة الخوف ... كان يجري خوفا
من الكلاب "البلدي" "الكوكي" اللي ما بتهاجمش حد ...
الكلاب الضالة جريت خلفه .. حتى انه اضطر ان يجري ودخل في عماره تحت الإنشاء
...وتوفى ... !!!
تخيلت ولو للحظه اني مكانه!!! (كريم) ... يجري وينهج ..مرعوب
... مرتعش... يبحث عن من يمكن ان يساعدة ... الي ان استسلم وفارق الحياه !!!
فين حقوق ولادنا ... فين حق كريم ...
قبل ما تعملوا حملة للحفاظ على الكلاب (الضالة) كان لازم توجدوا حلول
جزريه !!
سيدات المجتمعات الراقيه (المعادي - الزمالك) قبل ما تجيبي اكل"
لولو" "ورعد" اجتهدوا لوضع معايير وضوابط ووسيله تساعدوا بها
للحفاظ على (الكلاب) دون المساس بأولادنا .. من غير ما يموتوا من الرعب...
يكفينا ان نعلم انه مات خوفا !!!!
نظرة الرعب في عين ولد يلتف حوله مجموعه من الكلاب ....
لا أريد الشر بهم ... ولكن بالتأكيد لا اريد ان تتكرر حادثة
#كريم
اللهم صبرك يا ام كريم
ليست هناك تعليقات:
إرسال تعليق