هو الواحد ممكن يعمل اية لما فجأة يلاقي مخة فاضي .. في فرق لما تقصد تفضي مخك او فجأة تلاقي مخك فضي لواحدة كأن حد فرمتك مش عرف تفكر او تقرر .
هل هذا ناتج عن تزاحم المشاكل في مخك فدماغك عملت زي الفلاشة لما تملاها بمعلومات اكثر من طاقتها فاستحالة تفتح محتاجة تتفرمط. بس المشكلة ان انا اكتشفت انك استحالة تفرمط دماغك لكن ممكن تدلت حاجات علشان تفضي مساحة تقدر تستخدمها في حاجات ثانية وهنا بقا المشكلة انك وانت بتمسح من مخك ممكن تلاقي نفسك بتمسح حاجات مؤثرة جدا في حياتك وتلاقي انك كنت هتستعملها قريب ( مثلا ممكن تمسح الكلام الحلو الي بتستخدمة في الاعلاقات الاجتماعة تلاقي نفسك بتبوظ حياتك - او تلاقي انك بتمسح تواريخ مهمة في حياتك فتقع في مطبات قد كدا , حد يزنقك ويسألك علي تاريخ ميلاد مهم تدور علية تلاقيك مسحتة - او تلاقيك غصب ان عنك بتمسح وشوش اتعاملت معها من قبل وفي الحالة دي شكلك يبقا وحش جد لانك علشان حظك سئ هتقابلة ومش هتفتكرة)
المشكلة دي ملهاش حل جزري لان لو دماغك فضيت لوحدها او انت قصدت تفضيها هتواجة مشاكل ( هذا الجانب السئ من الموضوع)
نأتي الي الجانب المريح : دماغك بتفضي فبتنح والتتنيح دا في حد ذاتة علاج للدماغ المشغولة علي طول والجسد المنهك , مفاصلك بتريح وتلاقي نفسك لو حد سألك اي سؤال متعرفش ترود لانك فاصل مية وهوا ( كأنك شايل الشاحن من الفيشة واصلاً المخ قطع فاستحالة ان يتابع ما يقال او يرد امامة) وعقبال ما تتدارك الموضوع يكون مر وقت تكون ريحت فيه مخك. بعدين نعاود بقا الي شحن المخ بالمعلومات من تاني ( نحط الفيشة لشحن الجهاز).
تحياتي اليكم وانا مخي فاضي ولسة مشحنتوش
ليست هناك تعليقات:
إرسال تعليق