الواحدة مننا تتجوز وتلاقي بقا كم من التدخلات الكثيرة جدا نتكلم مثلا عن الخلفة فتلاقي المقولات الشهيرة مثل هتخلفي امتي , اتخرتي كدا لية , مش يلا بقا عايزين نشفلك حتة عيل نفرح بية. وتلاقي بقا اية الكلام ميتوصاش تروحي عند امك تسمعي كلام , تروحي عند حماتك تسمعي الكلام وكلة مصبوب في حجرك انتي والراجل اية غلبان بكتيررة امة تقعد جنبة وتقولة يا حبيبي يا ابني طب متوديها للدكتور تكشف , وانهارك طين بقا لو طلع جوزك حبيب مامي وبيسمع الكلام ,يجيلك البيت ويزن متروحي للدكتور تتطمي علي نفسك كدا وتشوفي اية اللي مأخرك تقلش الخلفة دي حاجة فرديه وفي المثال الثاني تبقي انتي وجوزك متفقين علي انك متخلفوش دلوقتي ودا بقا هتشربية لوحدك لانة اول ما يسمع الحوارات دي يسيبك انتي تشربي من امك ومن امة كل الكلام ويقول هوة يا فكيك.
يعدي ايام او سنين وربنا يكرمك وتخلفي , يخلص الكلام ابدا تسمعي غيرة (اصل كل مرحلة وليها كلمها) مش يلا بقا تخاوية , يعني انتي كدا عاوزاة وحيد , دا هيطلع اناني ( مش فاهمة لية يطلع اناني ... اسلوب ترويعي) انتي حرة لو اخرتي هتتعبي, جبيهم ورة بعد يبروا بعض ( اية يربة بعض دي ... دول هما اللي هيربوني ) ونعيدة تان.
ونحاول بالذوق مرة ووبالشخط مرة ( ملكوش دعوة احنا حريين انا مش عاوزة اخلف دلوقتي ) ينهاااار تسمعي بقي كلام متنقي انت بتعترضي علي نعمة ربنا وبكرة تزول منك وتندمي " لية كدا " ربنا اعلم بما في صدورنا احنا مبنعترضش ولا حاجة بس كل واحد ادري بظروفة وحياة النبي متدخلوش انتو بس بلاش تنكدوا اصلها مش ناقصة .
وياحرام تلاقي الست من دول تصدق بقا انها فيها عيب وتعيش دور امينة رزق وتنكد لي الراجل وتقلب الحياة نكد يا ولداة وتنتهز الفرصة بقا وتنكد عل ي جوزها هيا كمان اشمعنا هيا بيتنكد عليها من الامهات الحلوين . يا جماعة ملكوش دعوة بينا كل واحد اللي مكتوبلوة هيشوفوا لو ربنا عاوزنا نخلف هنخلف ولو مش عاوز بردة لية حكمتة بس بلاش التدخلات دي ركزو في حاجات تانية مفيدة
الي كل زوجة مخلفتش او خلفت ولسة مخلفتش تاني بلاش نكد اسمعي من هنا وطلعية من الناحية التانية الكلام دا هيجيبك ورا . صلحي حياتك وظبتيها الاول مع الراجل اللي انيكي دا والخلفة هتيجي في وقتها متستعجليش الامور. الست من دول تبفا لسة متجوزة مبقلهاش شهر وتبتدي تنكد في حاجات كثيرة حلوة في الزواج ممكن تستمتعي بيها بجانب الخلفة
ليست هناك تعليقات:
إرسال تعليق