في كل مره تتناقش الزوجه مع زوجها لا يسفر النقاش عن شئ محدد ذو قيمه, وينتهي المطاف بالزوجه بالاستسلام الي رأي الزوج او تلاقي الزوج يضرب طناش ويسبها تعمل اللي علي كيفها .. مع الجمله الشهيرة " متبقيش تيجي تعيطي لما يبقي في مشكلة ..اللي ياخذ قرار يتحمل مسؤليته" ...غريب جدا ! تقولوش هو يعني لما ياخذ قرار دائما علي صواب (جايز برضه ما هو الراجل وهو اللي انينا) ما علينا . المشكله هنا في شكل الحوار وطريقته.
دائما الرجل يعتقد ان الست تختلق المشاكل وتتلذذ بها او تطلب الطلب في الوقت الغير مناسب "نفسي اعرف ما هو الوقت المناسب ....ما هو لو رايق ...هتبقي نكديه لو فكرتي تطلبي حاجه.. ولو متعصب ومتكدر هتبقي ست معندهاش دم ولا تراعي الظروف ... نفسي حد يقولي ايه الوقت المناسب بالنسبة للراجل لعرض الطلبات".
فكرت احدي السيدات الفضليات ان تكتب له كل ما تريد وتقدمه علي طلب وتسيبه علي راحته ينظر في الطلب (جايز شكلها بينرفز وهي بتطلب)
المهم لم تنجح هذه الفكره لانه رأى ان اغلب الطلبات ليست هامه وحذف اغلبيتها "الست كانت بتصوت هتعمل اية في باقي الطلبات اللي حذفها... يا وقعه سودا"
سيده فاضلة اخري قررت ان تتكلم معه وهي تضحك مع مقدمه رومانسيه من نوعية :معلش يا حبيبي ربنا يخليك لينا ويريحك مني , انا عارفه اني بتقل عليك "يالا ما هو لازم تنفخ فيه جايز مينكدش عليها في اخر (النييكاش)"
وما حدث ان تلك السيدة انتهي بها الحال دون ان تحصل علي معلومه مفيده وممكن يكون اصلا مش سامع وفي وسط الكلام يقول لها " هو انتي كنتي بتقولي ايه" الكلمه دي بتخنق الستات علي فكره لان الست منا بتكون جمعت قواها ورتبت افكارها وبدأت تتكلم ويرجع هو يقول "انتي بتقولي اية" فيأما تزهق ومش هتكمل يأما بتسلم امرها لله وتعيد الكلام ولكن بالمختصر المفيد.
وما حدث ان تلك السيدة انتهي بها الحال دون ان تحصل علي معلومه مفيده وممكن يكون اصلا مش سامع وفي وسط الكلام يقول لها " هو انتي كنتي بتقولي ايه" الكلمه دي بتخنق الستات علي فكره لان الست منا بتكون جمعت قواها ورتبت افكارها وبدأت تتكلم ويرجع هو يقول "انتي بتقولي اية" فيأما تزهق ومش هتكمل يأما بتسلم امرها لله وتعيد الكلام ولكن بالمختصر المفيد.
وهذا ان دل فانما يدل علي ان اي نقاش به عرض طلبات او مشاكل من جانب الزوجه بيفشل في الاخر.
لذا اقترح عليك ان تتحدثي معة في الكورة او الاخبار او العربيات هو دا اللي بيجيب نتيجه اي حاجه ثانيه ربنا يتولاك بقى.
لذا اقترح عليك ان تتحدثي معة في الكورة او الاخبار او العربيات هو دا اللي بيجيب نتيجه اي حاجه ثانيه ربنا يتولاك بقى.
اخذت صديقه لي بالنصيحة الاخيره وذهبت للتحدث مع زوجها "اهو من غير مشاكل ولا طلبات ... بصو ايه اللي حصل"
الزوجه: علي فكرة انا النهارده اشتريت لون مانيكير جديد فظيع
الزوج : "يستمع في صمت"
الزوجه: شوفت النهاردة ماتش جامد جدا الا ابو تريكه عمل ايه... هيكمل !
الزوج: لا ينظر لها ولكنه هادئ ويستمع
الزوجة: ظلت تتحدث لمدة 5 دقائق دون ان تسمع تعليقاً واحداً فقررت ان تخرج دون ان تسأله "انت مبتردش ليه"
الزوج: وهي خارجه من الغرفة قال لها اعمليلي شاي
الزوجة: " الاه دا كان سامعني " قررت ان تنتقم خرجت من الغرفة دون ان ترد "وراحت عملت الشاي"
بصراحه انا مش فاهم عايزه تقولى ايه اللى بتقوليه وطريقه الكتابه والسرد تدل على فكر متواضع ولغه ركيكه وليس له مضمون او فكره إلا انك علشان يبقى الراجل كويس وتمام لازم يبقى تافه او على الأقل يتحمل تفاهتها وكمان يشجعها تكون تافهه أكتر وأكتر وكده تبقى هى فى غايه الإنبساط والراحه والإقتناع ....عارفين لو الستات اتصرفوا زى جدودهم ونسيوا انهم اتعلموا ودخلوا جامعه وانهم زى الرجاله والرجاله لازم يبقوا زيهم هيبقوا زى الفل وخلينا نفتكر هو ليه زمان ماكنش فيه خيانه ولا تعدد زوجات زى دلوقتى وكان الراجل أرخم وأقوى من الآن؟ بس كانت الست أعقل وأحكم من ستات هذا الزمان .....لعنه الله على علم يزيد الستات جهل وتسلط وغرور .
ردحذفانا اتمني بعد النقاش اللي دار بيننا ان تكون قد وصلتك فكرتي وعلي العموم انا سعيدة بنقضك وبالنسبة للغه معلش اصلي لسه بدئه في الكتابه جديد وان شاء الله سأحسن من الطريقة ولكن بنفس البساطه في التعبير دا بعد اذن حضرتك طبعا لو مكنش عندك مشكله
ردحذفعرض دمه خفيف وواقعي لجزء من مشاكل الحياه الزوجيه .. بس بما انك بتكتبي من زاويه الستات استحملي بقي أي هجوم كاسح من الرجاله.. يعني ببساطه توقعي هجوم من أي واحد كاره للستات ونفسه يولع فيهم بجاز ..أو من واحد مراته بتديه بالشبشب ونفسه يفش غله في أي ست .. أو من واحد رجعي متخلف نفسه الستات ترجع لعصر الحريم او يدفنهم وهما صغيرين .. وكل اما تتجاهلي الهجوم وتواصلي الكتابه ح تقدري تكملي .. تحياتي
ردحذفقال النبي صلى الله عليه وسلم: "ياأنجشة ، رفقاً بالقوارير" وكان يقصد الصحابيات اللاتي يركبن الجمال، وكان يقود قافلة الابل رجل جميل الصوت يدعى أنجشة، كانت الجمال تهتز طرباً لسماع صوته.فخاف النبي على النساء وقال للرجل(ياأنجشة رفقاً بالقوارير) .
ردحذفمن يقول أن الاسلام ينظر الى المرأة نظرة دونية ؟ النبي لم يضرب امرأة طوال حياته ولم ينتقد امراة بحياته وانما كان يهتم بها وقدر افعالها وهذا الزمان اقدم بكثير من عصر سى السيد وايضا كلما تعلمت المراة اكثر كلما اصبح الرجل اقوى اكثر لأنه وراء كل رجل عظيم امراة عظيمه لانها هى نصف المجتمع.
ومن آخر كلام النبي قبل موته(أوصيكم بالنساء خيراً).
شكرا جدا لرد سيادتكم وانا سأحرص علي انا اكتب للرجال حتي اكسب الطرفين لاني مقتنعة ميه بالميه ان مافيش حد صح علي طول الغلط مقسم
ردحذف