الست بمليون راجل!!!!!!

بحكم التربيه الشرقيه التي اعتدنا عليها " الست بمليون راجل - جدعة وبتسد وتقف في الشدائد " لغاية لما الست نفسها نسيت انها ست , نسيت انها حلوه ولازم تتدلع مش شرط تدلع علشان رجلها ,  ادلعي لنفسك يا حلوه , او علشان تعلمي بناتك الدلع "مش المياصه "  او علشان ابنك يعرف الفرق بين الست والراجل.
شائع قوي عندنا الهزار الظريف قوي بتاع انا قاعد مع واحد صحبي او مالِك كدا بقيتي شبه اخويا . والست مننا تسمع الكلام دا وتضحك كأن جوزها بيشعر فيها او بيدلعها " يا موكوسه دي تريقه" ولكن من كثرة ما بنسمعها اعتدنا انها كلمات اطراء ولكن اسمحيلي انها هجاء.

لكن علي مين ....لو تابعت خط سير الست من بدايه ولادتها .

البنت  منذ ولادتها متعودة علي سماع ... متضحكيش بدلع  ... ما تتميصيش ... ما تدلعيش .. لغاية لما البنت  اصبح الصفات الرجوليه متأصله.

يا حبيبتي تتخطب  تحاول علي قدر استطاعتها  تظهر انوثتها. تحاول تضحك بدلع فتبان هبله , متكلش خالص امام خطبها علي سبيل انها رقيقه وبقها صغير ونفسها علي طول مسدودة يادوبك بقها علي قد شاليموه العصير, ولما يكلمها تبقي بتهمس علي اعتبار ان صوتها واطي ومبيعلاش وتظل البنت تداري لغاية بعد الجواز ويفاجأ الرجل بأنها زي" امه " بالظبط صوتها عالي وبتاكل عادي بأيديها.....علي مين كله بيبان في الفنجان. 
المشكله لما يتفاجأ الراجل بعد الزواج بصفاتك الرجوليه ،، تصبح صدمه   كأنه  اكتشف انك قرعه. بالظبط  زي الراجل لما بيحاول يبقي رومنسي قبل الزواج ولكن تكتشف الزوجة بردوة ان اقرع وبكرش. ولكن مشكلة الست اكبر لان لما الست بتبقي راجل في تصرفتها بيكرف عليها.
هذا ليس هجوم مني ولكن اقصد به التوعيه.
 الست في مجتمعنا  مجبرة  علي تلك التصرفات اصلها لو ادلعت بيتقال " شوف شوف دي بتتدلع ازاي - ياه الست دي بتتمسكن لغاية لما تتمكن " او تسمع بعض الكلمات المستفزه نتيجة للموروثات والاعراف الغريبه. انا اعرف ان اغلب الستات تصرفاتهم غصب نتيجة للظروفف.

• في الست اللي جوزها سيبها علي طول ، مشغول مش فاضي غير للبلاي ستيشن 4 والقهوة لازم هي تأخد قرارات سريعة لحل المشكلات اليوميه ولكن هو بس يعطي اوامر انها تقدم له تقرير مفسر " علشان هو الراجل"
• في ست جوزها مسافر وسيابها لوحدها. طب بالله عليكوا دي حتي لو بتفكر تتدلع هتفشل يعني هتجرب الدلع في مين. اصل الدلع دة لازم يتجرب علي حد علشان الطرف الاخر يثني علي دلعك. 
•  تنزل الست الي مجال العمل، ظروف العمل تفرض عليها الطابع الرجولي في التصرفات ، ولكن هنا تظهر المشكله مهما تحاول فصل البيت عن الشغل.. استحاله بتقلب بردوه "يهديكي يرضيكي الراجل اللي في البيت دا هو اللي انيكي" ما فيش فايدة، يحاول جوزها  يقنعها انه حلالها علي مين خلاص انتهي.
• ويوجد الست الوحيدة التي فرض عليها الزمان بظروفه ان تصبح وحيده لا يوجد من يساعدها في الدنيا غير الله. هي والاولاد او هي بمفردها . تفرض تلك الظروف علي ان تصبح رجل في تصرفاتها فهي تعتبر الراجل والسيده بالرغم من ان تلك السيده هشه ولو نظرت بداخلها ستجد كم انوثه يريد الانفجار ولكن الظروف المحيطه دائما  تكبتها لدرجة ان كثيرا منهم نسوا انهم سيدات ويحتجن الدلع والمياسه.

الي كل سيدة بنت كنتي ام ست متزوجه او وحيده لاتفقدي انوثتك انتي مصدر السعادة لمن حولك. بدلعك وانوثتك تستطيعي ان تفرحي من حولك .

الي كل رجل: ارحم الست شويه ، اعمل اللي عليك ، علشان تسيبلها فرصه علشان يا سيدي  حتي لما تهاجمها بأنها شبه اخوك يبقي عندك حق

الي كل سيدة وحيدة دلعك وانوثتك تاج علي رأسك لا تفقيديه في ظل ما تتعرضي له من ظروف فأنتي النوع الفريد من السيدات التي بداخله كم من المشاعر يحتاج الي التوظيف السليم وسيأتي لك يوم تستمتعي بدلعك وانوثتك.