نفسك تسمعي ايه وانا اقولهولك - نفسك في ايه وانا اجبهولك
نفسك تسمعي كلمة بحبك
نفسك تسمعي كلمة واحشتيني
نفسك حد يقولك انتي مهمه جدا في حياتي ، تعبتي معايا ، ساندتيني ....
نفسك لما تغيبي عنه ، يبحث عنك ولو بنظرة عين، بابتسامه اوحتى بغمزه.
اه ... اكيد نفسك يقولك تسلم ايدك .. الاكل النهاردة جميل قوي
واكيد نفسك تسمعي ايه رأيك.....؟ ما تيجي نخرج انا عازمك علي الغدا
عاوزه تسمعي شكرا .... او تسمعي النهاردة عيد جوازنا يا حبيبتي.... كل سنه واحنا طيبين متهنيين؟
انا سامعه واحدة قالت من بعيد عاوزه تسمع كلمة اسف ، متزعليش حقك عليا
ممكن ترتاحي اصلك تعبتي ..
نفسك تسمعى حاجة غير انك مهمله وست مش مدبرة؟ - غير ان العيال هيبوظوا ويمكن يخيبوا
نفسك يراضيكى بدل ما كل ما يعدي من جانبك يقولك ربنا يهديكي
في حاجات تانيه كثير من كثرتها مقدرش احصرها !!!!!!
سمعتى الرعد يا شيخة ...
فوقي انتي اكيد بتحلمي.....؟
مين دا اللي ممكن يجي يقولك بحبك كدا من الباب للطاق!!!!.... لازم علشان يقولك يكون مشتاق
مين ممكن يشكرك ويقولك معلش غير لو عامل عامله وبيداريها؟؟!!
قلة سماعك للكلام ... يطيرعندك الالهام والتعبير بالاهتمام
انا بكتب دا لكل ست عاوزه تسمع حاجة نفسها فيها يمكن لما تقراها تهوٌن عليها
ليست هناك تعليقات:
إرسال تعليق