افهم ان في وزارات خدميه تحتاج الي نبطشيات اثناء الاجازات لكن وزارات تخطيطيه استراتيجيه مهلبيه ليه تحتاج النبطشيه.....
طب من باب الترشيد حتي وافروا تكيفات ونور وورغي ونميمه علشات تأخذوا ثواب ... لكن ازاي العقول القديمه لن ولم تتغير
المشكله بجد انه لايوجد مبررقوي لنبطشيه الاجازات الرسميه والاعياد .. اولا الموظف بيجي مبيعملش حاجة لان كل الكبار اجازه (خارجين متفسحيين .... لكن علي مين لازم يطلع الترابنتين)
الموظف من دول يحاول مديره يقنعه بأن لازم يجي النبطشيه فتلاقي اللي يرد يوقول اي كلام "زي استنوا لما اشوف المدام" او تلاقيه زاغ ومتعرفش راح فين قفل الموبايل واختفي ...
المهم ننجح في ترتيب النبطشيه بعد عناء مرير ونحط جدول وارقام تليفونات آل يعني علشان لما يجي شغل يوم الاجازه يعرفوا يجيبوا الموظف النبطشي .... طب نفترض ان في شغل هيتعرض علي مين..... اذا كان كل الكبار مش نبطشيه مين اللي هيعطي القرار .... وحتي لو موجود وعرضنا الشغل هنرسله ازاي للجهات المعنيه ... ما الدنيا كلها اجازه..
الموظف من دول يجي يوم النبطشيه يكلف الدوله تليفونات وموبيلات وشات دا لو ربنا كارمه وعنده تسهيلات في مكتبه ..... اما بقي لو موظف عادي من المتضحضرين ... هيجي يكلم نفسه ولا كومبيوتر وطبعا موبايله كارت ... مش هيقدر يرغي .... وكمان مافيش بوفيه يشرب او يأكل علشان في الاجازات والعطلات الرسميه البوفيهات اجازه لكن الموظفين بيشتغلوا ( لازم اريح البوفيه بردوه طول الاسبوع تعبان ) ....
فيضطر الموظف الي مغادرة العمل والجلوس علي احدي القهاوي ومعاه موبايله اللي عاوزه هيكلمه ...
هو دا العمل الجاد اللي بندور عليه هو دا الاصلاح الذاتي للمؤسسات .
احنا محتاجين عمليه انسف دماغك القديم.. قصدي (حمامك القديم)
ليست هناك تعليقات:
إرسال تعليق