ليه كل واحد فينا بعد الاجازه بيحتاج لاجازه؟ هل لاننا لسنا معتادين علي ان نرحرح (بالرغم من ان مافيش رحرحة) ولاااا لسنا معتادين علي الطاقه الزائدة للاولاد وطلباتهم الجنونيه ( عاوزين كل حاجة في كل وقت ومع بعض) وطبعا لانها اجازه تضطر في اغلب الوقت لتنفيذ معظم الطلبات ( الحكمه تقتضي انك متنفذ جميعها علشان الهيبه متضعش وتعرف بعد كدا تقول لاء).
احساس اول يوم شغل بعد الاجازه بيبقي احساس مؤلم وفي وجع وتشعر انك راجع من شغل الفاعل ... شكلك بيبقي مضرووب بوكسين ... منعوس ... في الاغلب منكوش.... ولو ست بتبقي مسلوته من علي السرير وقاعدوها علي مكتبها .... يبدأ التأقلم بعد يومين او ثلاث حسب قابليه كل جسم ...
غير ان اصلا ممكن تكون راجع من الاجازه عيان ( صحتك يا حرام مش واخدة علي اللعب والهزار والفرفشه ) فأول ما توصل بيتك تلاقي كل المرض اللي كامن بداخل جسدك طفح عليك .... ودا طبعا يترتب عليه ان الست بتشتغل ممرضه فترة لان المرض لن يتوقف عند الزوج فأنه يتغلغل داخل جسد كل فرد في العائله ... بعد ما تمرضيهم ... تمرضي انتي بقي ...
واه ه لو فكرتي مترجعيش الاولاد علي طول بعد انتهاء الاجازه ..... كأنهم بينتقموا منك لانك اخرتي الولد يوم ... ميسبوش مادة غير ولما يبعتولك فيها واجب او إمتحان .... علشان لو بتفكري تغيبي ابنك ..... تفكريي ميت مره قبل فعل هذا الجرم البشع في حق ابنك ووحقك ....
وانت في اخر يوم في الاجازه سيب معاك شوية فلوس علي جنب لان لو معملتش كدا هتندم كثييييررررر .... لما ترجع علي بيتك لازم تلاقي الثلاجه مهويه (لان من عادة الست المصريه ... مادام مسافرين ..فضي الثلاجة .... طب اعملي حساب يوم مهببب معاكيش فيه فلوس) خصوصا بقي لو راجع علي ايام مدرسه وتمارين النادي يصبح الصرف قهري ولابد منه ....
الست من دول وهما بيحطوا الشنط لسه ...تبص لجوزها وتقوله معاك فلوس ... بذمتك يا شيخة ... دا كلام مش تراعي الفاظك والراجل الغلبان لسه ناتع الشنط علي صدره .... ينزلهم ويقولها ..عاوزه ايه
الست : عاوزين جبن وعيش وزبادي حاجات لزوم عشا النهاردة وفطار بكره وحاجات المدرسه وفلوس التمارين .. علشان مدفعتهومش
الوزج: ينفض جيوبه ويلم كل الفلوس الباقيه من البيت ( الخمسه علي الخمسه حتي العملات )
الست : تطلب الحاجة ( ما هي معزوره بردوه ... هتعمل ايه ما هي لو مجابتش ولا هو هيتعشي ولا الاولاد هيفطروا ) لو دورت هتلاقيها مأكلتش .. علشان تأكلهم.
عندك شويه حبشتكنات تاخدلها يومين ثلاثه لغايه لما تتظبط...
تفضيه الشنط الكثيييييييييييرررررررررر قوي ... طبعا من الشنطه للغساله للحبل للمكوجي.. لغايه لما توصل للدولاب تاني
التراب اللي موجود في كل حته ( بالرغم من البيت مقفول ومتربس)
التأقلم علي النظام الحياتي من تاني يأخذ شويه من الوقت ... .زي نوم الاولاد بدري ....الاكل في المواعيد .... تظبيط المعده من اجل تظبيط الحمام لانه بالنسبه للاولاد (وبيني وبينكم واحنا كمان "مشكله")
وفي نهايه الامر اتمني لكم ما بعد اجازه ... سعيدة!!!!
التأقلم علي النظام الحياتي من تاني يأخذ شويه من الوقت ... .زي نوم الاولاد بدري ....الاكل في المواعيد .... تظبيط المعده من اجل تظبيط الحمام لانه بالنسبه للاولاد (وبيني وبينكم واحنا كمان "مشكله")
وفي نهايه الامر اتمني لكم ما بعد اجازه ... سعيدة!!!!
ليست هناك تعليقات:
إرسال تعليق