موظفين الحكومة : في اللي لايص ومنهم اللي هايص ....
الموظف "اللايص" يا إما موظف معين جديد في الحكومة أو موظف قديم ولكن مالوش في تمشية الحال .....
الموظف "اللايص" يعاني الأمرين... اخر غلب .... متمطوح ... " الهايص" قديم وخبره .... وعارف ايه هو تمشية الحال .... فقط يقع تحت يده موظف "لايص" فيخلص القديم والجديد ... والثاني ولا حول له ولا قوه لازم يسمع الكلام بحكم الأقدمية والترويق والزنب اللي ممكن يأخذها فقط لمجرد انه يستفسر او يفكر يعترض.... الا ان يتحول الي موظف هايص!!!!!!!!
الموظف الهايص يستمتع بالفرجة علي اللايص وهو بيلف ومحتاس ... لدرجة انه ممكن يكون عارف كيف يساعد ولكنه يتركه يأخذ نصيبه من كل الموظفين الهايصين في باقي المكاتب!!!!
الموظف اللايص نوعين.... اللايص الجديد .... تلاقي علي مكتبه شغل كثير او يلف بملفات علي المكاتب بأوامر من الهايص .... وعلى الله يعترض ......
اللايص القديم .... هذا النوع ليس لديه نيه للتغيير..... دخل الحكومة لايص وهيخرج منها كدا .... مشكلته انه لا يستطيع مواكبة من حوله لتسيير اموره ... لا يستطيع تفسير التأشيرات .... لابد ان يعمل تحت الهايص مهما حصل .... حتى لو ربنا كرمه ورزقه بموظف حنين ... وهذا نادر الحدوث ... وذلك للخروج به من كبوته "ولوصته" .... ولكن شخصيته غير قابلة للتحول او التعديل .. هذا الموظف يمكن ان يكون موظف تعجيزي والعمل معه متعب لأنه يشعر بالخوف من ان يأخذ أي قرارات الا عندما يأمر "الهايص"..... يخاف من المسؤولية
ممكن "لللايص" ان يلحق نفسه ويتعلم ويتحول الي موظف "هايص" وبعد تمكنه يبدأ في اخذ اعتباره ....ولو كان تلميذ نجيب وتعلم سريعا ممكن يفوق استاذه ويصبح خبير
"الهايص" نوعين ...... يوجد منهم يعمل بطريقة روتينية .....خبير في كتابة تأشيرات تعجيزيه.... موظف حضور وانصرافه اخر تمام ... ....
الهايص الاخر .... حِرك ... نشيط .... طبعا مظبط اموره علي الاخر .... قادر علي تمشية الحال .... خبير في الخروج من التأشيرات التعجيزية وكلة بالورق.... يعلم جيدا كل موظف هايص مثلة في باقي الإدارات لذلك اموره تمشي سريعا .... وكله بالمحبه!!!!!
دعوتي لكل" لايص "... اتنصح وبلاش خيبه
ودعوتي لكل "هايص"... راعي زملائك... وافتكر انك في يوم كنت لايص وربنا كرمك
ليست هناك تعليقات:
إرسال تعليق