يا غلبييي ياناااااااا

في اغلب الاوقات باحاول ان  اكون منصفه في كتاباتي. يعني مرة مع الراجل ومرة ضدة. النهاردة يا اولاد يا حلوين انا ضدك  بالفاتحة علي الكاف.

لية كدا يا رجالة لية مافيش حاجة عجباكوا   نقول يمين تقولوا شمال نرجع نقول شمال ترجعوا تقولوا يمين. نهيكي بقا علي المقولات الشهيرة اللي علي طول بتتقال علي الستات ومنها (الستات دول نكديين وشكايين وبكايين ومزعجين) مافيش مرة يا خواتي اسمع ان اتقال علينا ان احنا صابريين وطيبيين وحلويين. 

والرجالة يا حرام نسمة معدية  ولا مزعببيين ولا مرعبيين , الواحد من دول فاكر نفسة فالنتينوا اوانة  عامل اللي علية وزيادة....  واحنا بقا اللي طلبتنا ما بتخلصش  آل يعني الطلبات دي عاوزنها علشان المرح والبغددة مهي طلبات البيت والعيال هو يعني البيت دة بيتي لوحدي ولا العيال دول عيالي لوحدي مهم شرك. 

تشتكي من العيال يقولولك انتي اللي معقداهم تشتكي من المصاريف يتقلك وهو انا حرمك من حاجة - بس لو جدعه اتطلبي- 

احنا اللي عقدنا العيال واحنا اللي خلينا الرجالة تبص برة , ولا الكبيرة بقا لما يجي كدا ويقولك مش ممكن لازم تعرفي تنظمي اولاويات صرفك نسأل بحسن نية ازاي يعني ارتبها بعض مناقشة طويلة....  تطلع في الاخر كل اولويات صرفك  تافهه جدا بجانب اولويات صرفة لاننا لا نعقل الامور ولا ندبرها,  الااااااا  بالرغم من ان امور البيت ماشيه زي الفل والاكل بيتعمل والعيال بتروح المدرسة وبعدين تروح التمارين ونهيكوا بقا عن المشاويير الي في نظرهم مشاوير تافهه  وممكن تتأجل ولو تأجلت  تبقا تأجلت لية ما انتي كان عندك وقت فاضي وبردوه مرتبتيش اولاوياتك صح. علي طول احنا مش نافعين. 
وأه ه ه لو قلتي لامك يأما تشعللها حريقة وتندمي انك قولتيلها يأما تطلع ام عاقلة وبردوه تطلعي انتي الغلطانة زي مثلا (يا بنتي اسمعي كلام جوزك , معلش اصله طول الوقت تعبان في شغلة علي اعتبار اننا في الملاهي والسونا علي طول ) وتضطري تقفلي التليفون معها ولان مفيش فايدة ترجعي تاني تتحشري في الطحاونة اللي انتي فيها  .

في بقا حاجة تانية بتجنني... وهي الست اللي بتصرف كثير جوزها يشتكي منها لطوب الارض (دي مبذرة, دي مبتعرفش تحوش , إديها مخرومة ). 
اما بقا الست اللي مش مبزرة جوزها بردة يشتكي منها لطوب الارض ( دي مبتعرفش تاخد بالها من نفسها  , روحي كدا اتعلميلك حاجة مفيدة , لغاية امتي بقا هتفضلي مهملة كدا مش هتفوقي الا لما تلاقي واحدة تانية ) تقولوش يعني الواحدة التانية دي لما تتجوز مش هتبقي ست يعني , ما في الآخر ست بردوه . 
ولو نزلنا نشتري بقا يا خرابيييييي (يأما استرخصنا , يأما اسغلينا , يأما تاخدي بوز ووش غريب لان زوقك مش عجبه ,او تلاقي كلمة كدا من تحت الضرس ، أه حلو يا رب بقا تتعلمي). 
وتبقي انتي يا حبيبتي جاية فرحانه بالحاجة وتلاقي ان اصلا مافيش داعي للفرح لانك مأنجزتيش حاجة خالص وتتحصري وتنكبي علي وجهك كدا وانتي مغلوبه علي امرك )

 انا حاسة ان الستات مجننتش من شوية  كل حياتها في تناقضات.

نفسنا يا رجالة نحس ان احنا انجزنا معاكم في اي حاجة ان شاالله تركيب زرار معلش اصبروا علينا شوية وربنا يكون في عونكم