الكعب العالي وبزابيز الرصيف

انا مش عارفة ابتدي المشكلة منين ولكن بجد المشكلة دي هتلاقيها بتواجة الستات اللي بيحبوا يلبسوا الكعب العالي , كل الارصفة اللي بيتصرف عليها وبتتعمل بضمير ومن وجهة نظر اللي عاملها انها شكلها جميل     لا تصلح الاستهلاك القدمي.

 هنا احب ان اسجل اعتراضي بزابيز الارصفة بتلوي الكعب العالي رفيع او طخين , العيب هنا مش علي الحكومة العيب علي المبدع اللي فكر ان الارصفة الي تحتوي علي البزابيز تصلح للمشي - يا جماعة دي وسيلة تعذيب.

جايز علشان اللي عاملها راجل قصدي هنا انة بيلبس جزمة فلات فمبيحسش بالمشكلة اللي بتحس بيها الستات حتي والله للي لابسين جزم بدون كعب عالي (البزبوز مؤلم للكعب جدا ).

والتجديد بقا لو الراصيف حاشرين فية ظلط وبردوه ببزابيز تحط رجلك من هنا يإما تتزحلق من الظلطة يإما تتلوي من البزابيز. والغريب بقا ان كمان في وسط هذا الهلاك يوضع كنب حتي تستريح الناس علية من التعب  عقبال ما توصل الناس للكنب  تكون رجلها فكت من بعضها واكبر مثال علي ذلك (ميدان عبد المنعم رياض او الجزيرة اللي في وسط الشارع ).

طب انا افهم ان الشوارع فيها حوفر وتكسير  فمينفعش نمشي بالكعب ولكن اللي مش قادرة افهمة لية بيعملوا رصيف ببزابيز.

حد يرد عليا 
وبما ان الحرية مكفولة للجميع ينفع نعمل مليونية  نطالب فيها جمعيات حقوق الانسان بعمل ارصفة خالية من البزابيز