الله يكون في عونك

بما ان كتبت يا غلبييييي ياناااااا لازم انصف الراجل واكتبلة الله يكون في عونك. 

بجد والله فينا حاجات محتاجة كثير من التغيير عندنا داء الزن صحيح مش كلنا بس دا احد الاسلحة التي تعتقد الست انها ممكن تجيب نتيجة مع الرجل جايز فكريين ان اللي عوزينة مينفعش غير بالزن  فتلاقي الست من دول كل ماتخبط في رجلها تطلب نفس الطلب مش عاتقة حتي وهو  في الحمام تخبط علية وتقولة اوعي تنسي زي ما قلتلك بقا ههه وتسيبة شوية وتلاقي يا عيني مرتاح كدة علي الكنبة او السرير وترجعلة بكوباية شاي قال الشاي يعني هو اللي هيلطف الجو (جاتك خيبة مش الشاي اللي هيلطف الجو يا ذكية) فتقوم آيه حطة الشاي جنبة وتقولة متنساش بقا علشان خطري فكر ههه ( زن زن زن ) الرجالة بتكرة الزن جدا حتي لو كان بيفكر يعمل مش هيعمل.

ولا الكبيرة بقا ارحمينا من هدوم البيت ( انا اقصد هدوم البيت اللي بتلبسيها في البيت هه) اللي  طالعة من بق الكلب ( فاهمني ياللي في بالي)  تخرجي من البيت متأنتكة وتيجي علي الغلبان اللي قاعد معاكي في البيت وتلبسي بقا اي حاجة كاروة علي مألم, منقط علي مشجر مش كدة ارحمينا  فيها اية متصرفي حبة علي لبس البيت الله يكرمك ( طب والله بيجيب نتيجة) معلش تعالي علي نفسك وعلي الاقل البسي حاجات لايقة علي بعضها ولجل النبي بلاش الحاجات الي دوبل مقاسك والبسي مقاسك او اصغر منة عادي يعني دا ميحرم.

وعاوزة اقولك علي حاجة كمان بقا لما يكون جوزك متعصب متقفيش قدامة  هتعصبية زيادة امشي من وشة لغاية لما يهده قالك سبيني دلوقتي يبقي سبية دلوقتي بلاش تجري وراة في الشقة تلاحقي زاي المجنونة ( رد عليه رد علي دلوقتي لازم نتكلم ) (وهو يجري وانتي تجري) يااااااه  سبية ولما يهدة تكوني انتي كمان فكرتي ازاي تطلعية غلطان  لانة هو بيحاول يفكر ازاي يحسسك بغلطك ويطلعك ندمانة علي اللي عاملتي اذتزكي بقا وابعدي عنه واعملي زيه.

في حته كمان بقا يخش الراجل من هنا وتبدئي تحكي كل المصايب مرة واحدة بالزوفة فلان عمل وفلان سوي ولادك اتجننوا  وتسرخي وتصزتي وتهللي وتقوليلة خلاص انا ما بقتش قادرة عليهم لواحدي وانت علي طول شاري دماغك  وسيبني في الهم دا لوحدي تقوليش يعني راجع من سهرة حلوة او كان مع مزة مهو راجع من طريق زحمة سايق فية حوالي 6 ساعات بالميت أو حتي اتطرتة الظروف لركوب المواصلات ومحشور بين ناس ربنا يعلم بيهم (واسألوني بقا علي المواصلات ) ويمكن كان يومة في الشغل يقرف حد مديلة اسفيين او مثلا حضرتك كنتي طلبة منة قسط المدرسة مثلا او قسط اي حاجة ومعرفش الراجل يجيب الفلوس وراجع اصلا البيت شايل هم طلبات امبارح وفجأة يلايقي  ضخط عصبي وزهني. براحة علية هيفيص منك.

وبردة ارجع اقولك والله الست دي طيبة وبتحبك 

خالي بالك منة دا حبيبك  ابو عيالك دا اللي انيكي