العنوان واضح طبعا مش محتاج توضيح. الغريب ان بعد الثوارات التي مرت بنا اصبح إستخدام الكلمات المجعلصة شيئ عادي والغريب ايضا ان الاعلام اصبح يروج ويعتمد علي الشخصيات الذين يجيدون استخدام الكلمات المجعلصة (ما فيش اروع ولا اقدر منك يا د/حمزاوي (مع كامل الاحترام والتقدير) جمل طويلة كلها جعاليص دون توقف بالمرة) مش مهم انت فاهم ولا لاء المهم الكلام يتقال بصورته المجعلصة.
دي حتي المصطلحات كبرت كده وطولت تلاقي الكلمة من دول مستخدمين فيها تقريبا ربع الحروف الابجدية, يا سلام بقا لو الجملة كلها جعليص تبقا ليلة هنا وفل. هو دا اللي يتقال علية مثقف.
دي حتي المصطلحات كبرت كده وطولت تلاقي الكلمة من دول مستخدمين فيها تقريبا ربع الحروف الابجدية, يا سلام بقا لو الجملة كلها جعليص تبقا ليلة هنا وفل. هو دا اللي يتقال علية مثقف.
فكرت والله ان اعمل كتيب صغير يضم تلك اللغريتمات. خدمةً مني للبشريه المعذبه, ليه معذبة لان كثير منهم يسمع ولا يفهم مش بس كدا لاء دا بيحاول يستخدم تلك الجعاليص في حوراته حتي لو مش في سياق الجملة (حلوة سياق دي).
انا فكرت في حل اخر غير الكتيب ان كل واحد بيتكلم كده يجيب معه مترجم للشرح بدل ما كلنا نبقا شبه يونس شلبي في مسرحية العيال كبرت وهو بيهز دماغة ومش فاهم حاجة.
خصوصا اننا داخلين علي مرحلة صعبة كلها استخدام اجباري للكلام المجعلص من لجنة تأسيسية ولجان فرعية منبسقة وكتابة دستور.
يكرمكو ربنا بسطوها علينا لحسن الواحد مش مستحمل جعاليص اكثر من كدة.
خصوصا اننا داخلين علي مرحلة صعبة كلها استخدام اجباري للكلام المجعلص من لجنة تأسيسية ولجان فرعية منبسقة وكتابة دستور.
يكرمكو ربنا بسطوها علينا لحسن الواحد مش مستحمل جعاليص اكثر من كدة.
ليست هناك تعليقات:
إرسال تعليق