صحيت يوم من النوم ....فتحت عنيا لاقيتهم يهنوا الستات بمناسبة اليوم المرأة....علي اعتبار دي الفرشة لعيد الام ...... والغريب ان كافة وسائل التواصل تبعث برسائل التهنئة الحارة للمرأة .....
فقلت في نفسي ...دا يومي ويوم كل الستات ... لازم اشعر بالفرق .... لابد من ان اشعر ان اليوم دا مختلف ..........ولن نطلب الكثير ... يكفي فقط ان ننعم بحبة هدوء... المهم ... قلت اخلص كل ما يمكن عمله من نشاطاتي اليومية حتي استمتع بباقي اليوم مع باقي الستات وذلك لمواكبه الحدث ليس اكثر حتي لا اتهم اني مقصرة مع جنسي ...... المهم جري رجعت من الشغل وكلي امل وطموح ان النهاردة يومي "يوم الست" .... قوام طبخت ... ذاكرنا ... نزلنا التمارين.... رجعنا خلصنا باقي المذاكرة... حمينا وعشينا ... علي السريع غسلنا ونشرنا.....
الحمد لله خلصت تقريبا كل ما هو المفروض ... ابدا في التفكير في نفسي .... النهاردة يومي ... اشوف الساعة كام حتي ارتب ما يمكن عملة... وكانت الصدمة الساعة 11 ونصف... طب هي الأوقات دي يتعمل فيها ايه.... كان لازم ابقى راجل يعني علشان اعرف اتصرف في الأوقات اللي زي كدا......
لابد من مساعدات خارجيه لإمدادي بأفكار سريعة.... طرحت السؤال علي اصحابي حتي يساعدوني لإتمام المهمة... بصراحة أفكار الستات "ممله" بالرغم من انه يومهم ولكن واضح ان نشاطاتهم اليومية قضت عليهم حيث انهم لم يتمنوا اكثر من ان يعيشوا لحظات من الهدوء ... اللي يقولي " نامي" انتخي علي الكنبه" كوباية قهوه وعلي السرير" ...... ولكن الله علي أفكار الرجالة ... مفيدة وبناءه للأسرة ولينا كاستات ... احنا بس اللي مش مقدرين...... في اللي قال ... لو لسه عندك طاقة قومي نظفي باقي الشقة ... ممكن تقري كتاب يفيدك ويفيد الستات اللي زيك بدل ما تضيعي وقتك في كلام غير مفيد لجنس الستات او حتي الرجالة............
وبعد دراسة الاقتراحات نظرت في الساعة فوجدت اني تأخرت جدا ... بكرة يوم عمل .. هصحى بدري ....جريت بسرعة وانا في حالة هلع ..... الحق انام شويه قبل ما المنبه يرن ... احتفال ايه اللي بتكلم عليه.... الحق انام شويه ...
واقنعت نفسي ان حلو قوي شوية الرسائل اللي قرأتها بمناسبة يوم المرأة .... من نوعية ...الست حلوه .... حافظ عليها ... هي عامود العيلة.... وشوية الورود التي ترسل عن طريق وسائل التواصل الاجتماعي .........
وأخيرا دخلت نمت.... ودا كان احلي احتفال ..... إحساس غير طبيعي ان بعد يوم طويل من حشرة رجلك في جزمة كعبها عالي ... ولبس كاتم علي نفسِك.... وسماع اكثر من مليون مره "مامي انا عاوز" .... أخيرا جسدك يلمس المرتبة وظهرك مفرود وتسمعينا احلي كلمة "أه يا اانااا يا أمه" ............ أخيرا السرير
ليست هناك تعليقات:
إرسال تعليق