عندي سؤال محيرني وشاغل تفكيري ... يعني ايه يا قطقوطه تتجوزي وتعيشي عند امك ..... (مع الوضع في الاعتبار والتأكيد علي ان جوزك مش مقصر "وجاب اوضتين نوم وعفشة ميا" ) دا مجازاااااا
ليكي راجل بشنبات وطول الوقت عند "ماما" ...."يا نانوس عين ماما".... الصبح تعدي ... ووسط النهار تهدي ... وبالليل تكسلي تروحي فتباتي ... وبعدين ربنا يرزقك بالخلفة ... وتبقى حوسه .... من الأول للثالث "بترجع وقرفانه" لازم أكون عند ماما .... من الرابع للسادس ... طول النهار في مشاوير تحضير "للبيبي" وبالليل طبعا عند ماما ... اصل كنا بنلف طول النهار انا وماما .... وبالنسبه للاب والجد مش من حقهم يعرفوا انتوا بتجيبوا ايه ....وهتدفعوا اد ايه ... من باب الشفقة .... اما من السادس للتاسع ... فهي عرضه للولادة في أي وقت.... فلازم طبعا تبقى عند "ماما".... تحسبا للولادة المفاجأة ... طبعا دا كلام ماما
هي "ماما " ملهاش راجل يسأل عنها..... وهو "باب" مش من حقه بعد ما كبر وربى وتعب انه يعيش شويه حياته مع ماما... ولااا بابا وماما مكتوب عليهم الهم .....
ولكن للحق ما هي لو "ماما" مربيه "نانوس عين ماما " علي انها تحب الحياة الجديدة بتاعة بيتها وحمامها وسريرها ... كانت نفعت بدل مرمطة ماما وبابا....
بالنسبة للحاجات اللي ابوه وابوكي وامك وامه دافعين دم قلبهم علشان سيادتكم تستفيدوا منها وتستعملوها .... مش علشان الورثة ...
فين فرحتك بحاجاتك لما تتبهدل ... ولا لما كنبتك تهبط .... فين لمعة عينيك لما ولادك يدلقوا الشوربه علي السجادة ... ولا الدلق والبهدله ميحلاش غير في بيت ماما...
حتي لما تقرر البنوته تعلم ابنها "البي بي" تروح تعلمه عند ماما.....
في فرق بين الانتخه والرحرحه ... اللي بتعمليه عند ماما دي انتخة ... مما لاشك فيه حاجة جميله ترجعي تلاقي الاكل معمول وجاهز ... و لو قررتي انك أخيرا تروحي بيتك تأخذي اكلك .... واحتمال سخن ولو برد شويه تكسلي تسخنيه .....
الانتخة هي شيء جميل... ولكن محتاجة نوعيه من الرجال مخصوصه قليل ما تخبطي فيها ... ويا هناها اللي جوزها عجباه الانتخة.... تبقى وجدت كنز سليمان
الانتخة هي شيء جميل... ولكن محتاجة نوعيه من الرجال مخصوصه قليل ما تخبطي فيها ... ويا هناها اللي جوزها عجباه الانتخة.... تبقى وجدت كنز سليمان
ولكن الرحرحة شيء ممتع ولذيذ... الرحرحة تعني انك من الممكن تستخدمي حمامك من غير ما تقفليه.... ممكن تستحمي وتخرجي " مرحرحة" حمامك مش حمام ماما وبابا....
الرحرحة تعني انك تفعلي ما يحلو لكي... دون قيود او أستاذان من احد...... بيتك وانتي حره فيه.... مش بيت ماما وبابا....
راعي شويه ان امك وابوكي في حاجة ملحة للرحرحه .... ابوكي في حاجة انه يقعد "بالبوكسر" عادي .....
حتي امك .... زيها زي باقي الناس عاوزه تعيش وترحرح .....
انتم لم تنتبهوا انهم منذ زمن يشعروا انهم يفتقدوا إحساس الرحرحة... وماصدقوا جوزوكوا ... للمحاولة للتمتع بالحياة الجديدة ... حياة الجد والجدة ....
يوجد ما هو اخطر وهو لو زوجك اخد انك علي طول مأنتخه ..... يإما سيحلو له الانتخة ... يإما هيسيبك تنتخي في بيت امك ويدور هو علي الحلوه المرحرحه.......
حتي امك .... زيها زي باقي الناس عاوزه تعيش وترحرح .....
انتم لم تنتبهوا انهم منذ زمن يشعروا انهم يفتقدوا إحساس الرحرحة... وماصدقوا جوزوكوا ... للمحاولة للتمتع بالحياة الجديدة ... حياة الجد والجدة ....
يوجد ما هو اخطر وهو لو زوجك اخد انك علي طول مأنتخه ..... يإما سيحلو له الانتخة ... يإما هيسيبك تنتخي في بيت امك ويدور هو علي الحلوه المرحرحه.......
الي كل ابنه فكري شويه ان امك في حاجة ماسه انها تنعم بانها جدة ... تلعب وتلهو مع الاحفاد ولكن عندما تقرر ان تنفرد بنفسها تجد تلك المساحة....
الي كل ام ..... ربي ابنتك علي انها زي ما هي عاشقة لفكرة الانتخة .... تحب شويه الرحرحه
ليست هناك تعليقات:
إرسال تعليق