كيف تسعدي زوجك

كيف تسعدي زوجك


أنا عايزه أنصحك نصيحة جميلة أنا شخصيا أحاول استخدمها في حياتي الشخصية للتغلب علي مشكلة بينك وبين زوجك "حبيبك" (مش كل مرة بتنجح معايا اصلي مجنونة شوية). 

أولا لا تفكري أبدا انه أبو عيالك والكلام الكبير أوي ده . فكري انه حبيبك اللي نفسك تواعديه من ورا اهلك , فكري انك عاوزه تسرقي لحظة صغيرة وتسمعيه كلمة حلوة مثل "انا بحبك" , لا تخجلي انك تقوليها, الكلمة دي حلوة أوي , الكلمة دي لو قلتيها بصدق لازم توصل بصدق.

لو حصل مشكلة وأنت من النوع العصبي حاولي تهدي الأول وأنا شخصيا عندي وسيلة حلوة تقدري تهدي بها وهي انك تفكري في كل لحظة حلوة كانت بينكم أو تفكري في أول لمسة ايد حركت فيك مشاعر حلوة , تفكري في أول مرة قال فيها "احبك" . انا اعتقد انك هتهدي وبعدين تفكري ازاي تحلي المشكلة يأما تتكلموا بهدوء او هتلاقي نفسك بتكلميه ولا كأن حصل حاجة . 

حبي كل حاجة حلوة فية وافتكري انة حبيبك , حاولي تتكيفي علي الصفات الغلط (بس مش كل الغلط يا فلحة نقي الغلك اللي تكيفي معاة). حبي بصدق , حسي أوي بكلمة "انا احبك" علشان توصل لزوجك اقصد" حبيبك" 

جربي وقوليلة