try to do so (for men only)
by Sarah Ahmed Ibrahim on Monday, 12 January 2009 at 15:25
حاول مرة ترسل ورد لزوجتك " حبيبتك" علي مكان عملها وياريت تكون مفاجئة
حاول تتعلم كيفية الاحتفال بالمناسبات الخاصة بكم مثل " اول لقاء بينكم – عيد جوازكم " وأنا
شخصيا أفضل الاحتفال بأول لقاء بينكم أصلة أكثر رومانسية
حاول ولو مرة واحدة فقط تطلبها للرقص وأنت في أي فرح وماتستنهاش تتحايل عليك وبلاش تعمل نفسك مش واخد بالك , ولو قررت تعمل كدة حاول تضمها ليك وبص في عنيها, حسسها بشوية حنيه (انا عارفة انك هاتضحك علي كلامي ولكن أرجوك فكر فيه شوية قبل الضحك او السخريه) صدقني زوجتك مستنياك تعمل كدة...... أصل أنت مش فاهم الستات ممكن تضحك عليهم برقصه زى دي
حاول وأنت في أي مكان سواء انت مع الأصدقاء او الأقارب تمسك يدها او تضع يدك علي كتفها "دي حبيبتك" .....واللي بيخاف من الحسد يقرأ المعوذتين
بلاش تظيط في الظيطة , لو انت موجود في مكان خصوصا وسط أصدقائك وعاملين مجلس تريئه علي الستات بلاش تشارك "أرجوك" وتخيل لو الموضوع بالعكس صدقني ها تزعل
ولو مسافر انت وهي ومعاك الأولاد ممكن تظبط يوم واحد في السفرية يكون يوم مختلف ليك وليها ومش هافرض عليك حاجة ظبطوا بمعرفتك شفت أنا ديموقراطية إزايي
طبعا انا عارفة ان لا يجوز تنفيذ كل ما سبق فعليك اختيار احد الاختيارات ...........حاول يكونوا اكثر من واحد
ليست هناك تعليقات:
إرسال تعليق