تهييسة صغيرة

1. ساعات الواحد بيشعر بحاجات كثيرة متلخبطة ولكنه بيفقد القدرة علي التعبير عنها سواء بالحوار أو بالكتابه وتشعر انك مخنوق ونفسك حد ينفضك جامد ويطلع اللي جواك ولكن بعد ما يخرج اللي جواك يسلام بقي لو تم جمييله واستطاع ان يخرجك من المود الزفت اللي انت فية "وفي كل الاحوال ما بيعرفش"
2. ساعات الواحد يكلم للصبح ويخرج اللي جواه ولكن المتلقي لكلامك باتباعه اسلوب عدم الاهتمام او باستهزاءة بكلامك يحسسك انك لو سكت يبقي احسن
3. يا سلام لو اتكلمت وبعد نقاش طويل ( مفيد او غير مفيد ) لا تصل الي شئ يريحك فترجع وتقول يارتيني ما تكلمت
4. وانت زعلان ابحث عن الشخص اللي لو اتكمت معاة ميسخنكش زيادة
5. لو انت فرحان متكسفش واظهر فرحتك لان لحظات الفرح قليلة وهتندم جدا لو محتفلتش بها
6. لو بتحب لا تخجل من ان تقول انك تحب لان هيجي اليوم من كثرة خجلك لسانك هيتقل   ومش هتعرف توقلها ابد واحتمال لما يجي الوقت اللي عاوز تقولها فية محدش هيصدقك لان هيبقي فات الاوان
7. لما جوزك يقولك يلا نخرج بس تبقي القوالة من تحت الضرس اخرجي معاة بس حاولي متنكديش طول الخروجة علشان ميندمش انة قالك بس بعد ما ترجعي البيت الفتي نظرة انة كان ممكن يعرض عليكي الخروج بطريقه اظرف من كدة متنسيش ..الست بطبعتها نكدية اكيد مش هنفوت الحركة كدا بالساهل
8. انت  ليه  مبتقولش انا اسف (اقصد هنا الرجال) بجد اصلي بعد دراسة متأنية لقيت ان كل الرجالة لا تعرف صيغة الاعتذار مع أنة حاجة سهلة جدا - قول وراية كدا - انا اسف - دي حتي كلمتين وممكن تعفيك من النكد اللي ممكن تشوفة.
9. تخيل نفسك كدا خارج خروجة زي الفل مع  صديقة امورة وللاسف مقلتش للمدام  وحظك الفل طبت عليك هتعمل ايه.  العقل يقول اية اوعي تزعلها لف بسرعة واضرب البنت اللي معاك قلم  مراتك هتتلهي علي عينها ومش هتعرف تفكر والست التانية ممكن تصاحب غيرها
10. ولو العكس يا حلوة لو طبتي في مكان ولقاتي زوجك مع واحدة العقل يقول تدخلي علي البنت وتبوسيها وتسلمي عليها وتظهري اجمل  ما عندك وتسلمي وتمشي ( متسألنيش لما تشوفي جوزك بعد كدا اقولك تعملي اية علشان انا متأكدة ان نهاره هيكون اسود من قر الخروب) 
11. انا  اصلي زهقت من السياسة فقلت اطلع من المخزون