المترو استخدام جماعي وليس فردي
- ليه الواحدة من دول في الظل الزحمة المميتة تسند علي العامود بجسمها كلة مع ان لو مسكت بأيدها هتخلي كثير من اخوتها يمسكوا معها بدل ما يريحو علي كتف او ظهر الغلابة التانين الي متشعبطين في اي حتة.
- لية الواحدة من دول اول متلاقي فرصة تمسك في الحاجات المدلدلة من سقف المترو تمسك اتنين وتشعلق نفسها و البجاحة تتمرجح كمان, واختها اللي جنبها هتموت تمسك انشالله في دلها علشان متقعش واللي يضحك انك لو خبطي فيها تستغرب ويمكن تهزئك لانك خبطي فيها وازعجتيها في ركوب الملاهي .... وما ذنبنا ان نشم روائح انا مش قصدي حاجة يعني بس احنا بنأدميين.
- ولأنك لازم تستحملي كل البياعيين الي بيعدو لا تتضرري ولا تتأففي تخدي وانتي ساكتة حتي لو المترو زحمة ومافيش مكان للبيع بردو يزاحمو ويخشوا واه لو اتكلمتي تبقي بقا من قطاعين الارزاق ويتألك " حرام عليكي انت ما بتحسيش الناس دي غلبانة وعاوزة تاكل لقمة عيش - انا معنديش اعتراض انا ممكن اساعده واشتري بس ربنا عرفوه بالعقل يمشوا في المترو رايح جاي ومعاهم شنط كبيرة محملة بالبضائع ازاي واحنا اصلاً مش لاقيين مكان نقف فية
- علشان كدا اكرر المترو استخدام جماعي وليس فردي - يا رب صبرني-
ليست هناك تعليقات:
إرسال تعليق