انا مبئوئة

انا مبئوئة من حاجات كثيرة جدا, من اخلاقيات وسلوكيات ووردود افعال الناس  التي لا تواكب الفعل بالمرة  - اية دا الناس بقيت متسلطة علي نفسها (النفس آمارة بالسوء) .
جميل انك تغير البلد ولكن دون ان تغير بنفسك      لا يجدي 
جميل انك تشحن الناس لاقناعهم بأفكارك ولكن دون التفكير في العواقب  وما يترتب علية  من افعال       لا يجدي
مش قبل ما نغير البلد نغير سلوكيتنا المريعة البشعة (خد عندك)
بطل ترمي زبالة من شباك العربية  ما تحط كيس في العربية بلاستيك ترمي في زبالتك ( دي قذارة )
بطل تتف من العربية   (دا كدا عدي مرحلة القذارة )
بطل تقذقذ لب وترمي في وش الادامك او لما تقوم من المكان اللي انت كنت بتقذقذ فية ،الناس اللي بعدك هيدعوة عليك لانك خلتها مزبلة تحتك ( واللة امارح وحد راكب اوتوبيس تف اشرة اللب في شعري لما كان نفسي احلق ظلبطة)
لما تلاقي  واحدة حامل استجدع كدا  وساعدها ( قعدها ولدها  اللمهم تساعدها) مش تعمل نفسك عبيط واعمي واطرش لما انت كل دا نازل من بيتك وقرفنا لية
بطل تروح شغلك وانت مش في نيتك تشتغل او في نيتك تلعب فيفا والكور الملونة وترتزي وتزنبق الناس اللي معاك
علي العموم في افعال كثيرة جدا لو بطلناها البلد هتتصلح من غير اعتصامات ومظاهرات معلش اللي مش عجبة الكلام ميقرئهوش  انا مش قصدي انكد ولا حاجة ولكني بجد مبئوئة